რევაზ სოხაძე, უკანონო შენობების დემონტაჟთან დაკავშირებით, საკრებულოს ოპოზიციას არათანმიმდევრულობასა და პოლიტიკურ სპეკულაციაში  ადანაშაულებს

თბილისის საკრებულოს ურბანული დაგეგმარების და საქალაქო მეურნეობის კომისიის თავმჯდომარე რევაზ სოხაძე საკრებულოს სხდომაზე უკანონო მშენებლობებთან დაკავშირებით ოპოზიციის მიერ გამოთქმულ ბრალდებებს გამოეხმაურა. რევაზ სოხაძემ ოპოზიციონერი კოლეგები არათანმიმდევრულობასა და ამ თემით სპეკულაციაში დაადანაშაულა.

მისი თქმით, შესაძლოა ოპოზიცია თვლის, რომ აღნიშნული თემა პოლიტიკურად მომგებიანია, მაგრამ ეს ასე არ არის.

„არ შეიძლება ყველაფრის პოლიტიკურად გამოყენება. ის, რაც აფრიკაში ხდება არის ჩვეულებრივი მიტაცება. აქ არის რამდენიმე ადამიანი, რომელიც ამ ამბით ხელს ითბობს. ის, რაც აფრიკაში და სამწუხაროდ, თბილისის რამდენიმე უბანში ხდება არის სახელმწიფო და მუნიციპალური ქონების უკანონო მიტაცება. ამ პროცესმა მიიღო შეუქცევადი სახე, ამიტომ ამის გაჩერება ძალიან მნიშვნელოვანია. ამაზე მერიის შესაბამის სამსახურებს ადეკვატური რეაგირება აქვთ. ჩვენ მაქსიმალურად ვუჭერთ მხარს მერიას და გვერდში ვუდგავართ მუნიციპალიტეტს“, - განაცხადა რევაზ სოხაძემ.

საკრებულოს ურბანული დაგეგმარების და საქალაქო მეურნეობის კომისიის თავმჯდომარის თქმით, ვისაც საცხოვრებელი მართლა არ აქვს, თბილისის მერია ღია ცის ქვეშ არავის ტოვებს.

რევაზ სოხაძის თქმით, როდესაც კახა კალაძე ამბობს, რომ კანონი უნდა აღსრულდეს, ეს ასეც უნდა იყოს.

„ყველაფერზე კამათი და ყველაფერთან დაკავშირებით ჩვენთან დავა არ შეიძლება. როდესაც თქვენ გარკვეულ თემებთან დაკავშირებით ობიექტურები ხართ, ჩვენ საწინააღმდეგოს არ ვამბობთ. ჩვენც ვაღიარებთ და ვცდილობთ რაც რაციონალურია გავიგოთ. თქვენც შეეცადეთ, რომ გაიგოთ და რადგან კახა კალაძის ნათქვამია აუცილებელი არ არის საწინააღმდეგო ამტკიცოთ“, - განაცხადა რევაზ სოხაძემ.

უკრაინაში შედგენილ სასანქციო სიაზე მომუშავე ჯგუფის წევრი სვეტლანა მუსიიაკა - სიაში დღეისთვის 19 ათასი ადამიანია, თუმცა ეს საწყისი ეტაპის სამუშაოა და სანქციებზე საბოლოო გადაწყვეტილება დამოკიდებული იქნება უსაფრთხოების საბჭოსა და შემდეგ უკვე პრეზიდენტზე
ქართული პრესის მიმოხილვა 29.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
„ფარმადეპოში“ თურქული მედიკამენტების ასორტიმენტი გაიზარდა
ბაზისბანკის მხარდაჭერით, ფონდ "ნატვრის ხის" საქველმოქმედო კონცერტი გაიმართა
VISA-ს და „ბიბლუსის“ ერთობლივი შეთავაზება მომხმარებელს - 30%-იანი ფასდაკლება სრულ ასორტიმენტზე
კომპანია FINA-ს წარმატების ისტორია - 11 წელი ბაზარზე
ტერაბანკისა და სააგენტოს „აწარმოე საქართველოში“ ხელშეწყობით, კახეთში სასტუმრო „ისევ ყვარელი“ განახლდა