ნატო-ში აშშ-ის ელჩი - საქართველო და უკრაინა ნატო-ს ძალიან მნიშვნელოვანი პარტნიორები არიან - ალიანსის კარი ღიაა

ვფიქრობ, ნატო-ს ყველა წევრი აცნობიერებს, რა მნიშვნელოვანი ურთიერთობა გვაქვს როგორც საქართველოსთან, ასევე უკრაინასთან, - ამის შესახებ ნატო-ში აშშ-ის ელჩმა ჯულიან სმიტმა პრესკონფერენციაზე განაცხადა, სადაც ნატო-ს თავდაცვის დაგეგმილ მინისტერიალზე ისაუბრა.

„ვფიქრობ, ჩვენი უკრაინელი და ქართველი მეგობრებისთვის საკმაოდ მკაფიო გზავნილები გაკეთდება, რომ ჩვენ მხარს ვუჭერთ მათ და პატივს ვცემთ მათ სუვერენიტეტსა და ტერიტორიულ მთლიანობას. ასევე ის, რომ ალიანსის გაფართოებისთვის კარი ღიაა“, - აღნიშნა ჯულიან სმიტმა.

მისი თქმით, რუსეთ-ნატოს საბჭოზე გარკვევით ითქვა, რომ ალიანსი რუსეთთან ღია კარის პოლიტიკის საკითხს არ განიხილავს.

„მზად ვართ, განვიხილოთ სხვა საკითხები, იარაღის კონტროლი, გამჭირვალობა, რისკის შემცირება. რაც შეეხება ღია კარს, ჩვენ გარკვევით განვაცხადეთ, რომ შევინარჩუნებთ იმ ვალდებულებებს, რაც გვაქვს ღია კარის პოლიტიკასთან დაკავშირებით და ვფიქრობ განცხადება, რაც გასული ზაფხულის სამიტზე მოისმინეთ მნიშვნელოვანი შეხსენება იყო იმისა, რამდენად მტკიცედ იცავენ მოკავშირეები ღია კარის პოლიტიკას“, - აღნიშნა ელჩმა.

ამირან გამყრელიძე - თანამდებობის დატოვებას ვფიქრობდი, თუმცა ორი-სამი წლის შემდეგ, როცა ბოლომდე მივიყვანდი ორ დიდ ეროვნულ პროექტს, მაგრამ „კაცი ბჭობდა და ღმერთი იცინოდაო“
დიტერ ბოდენი - ქართულ-აფხაზური ურთიერთობების მოწესრიგების პროცესში საქართველო უნდა იყოს ლიდერი, სამწუხაროდ, ამ ეტაპზე ქართული მხრიდან ამას ვერ ვხედავ
ქართული პრესის მიმოხილვა 22.09.2022
თანამედროვე უსაფრთხოების დილემა: ქართული მრავალწახნაგა
Hallo - პირველი ვირტუალური მობილური ოპერატორი საქართველოში
Hotsale.ge-მ ვებგვერდზე განთავსებულ კვების ობიექტებში ჰიგიენურ-სანიტარული ნორმების მონიტორინგი დაიწყო
iPhone 14 უკვე ელიტ ელექტრონიქსში
ბაზისბანკის და ინტელექტ-კლუბ რა? სად? როდის? 10-წლიანი პარტნიორობა გრძელდება
საერთაშორისო სამეცნიერო კონფერენცია - "ონკოლოგია და ბირთვული მედიცინა" გაიმართა
კარფური და მასტერქარდი „ერთად ბავშვებისთვის“