საქართველოს პარლამენტის შენობის წინ უკრაინის მხარდამჭერი აქცია გაიმართა.მოქალაქეებმა რუსეთისგან უკრაინის მიმართ შესაძლო სამხედრო აგრესია გააპროტესტეს და უკრაინელ ხალხს სოლიდარობა გამოუცხადეს.

"მე შემოვუერთდი დაანონსებულ აქციას, რადგან ჩემი მთავარი სათქმელი არის რომ ვაპროტესტებ რუსეთის აგრესიულ პოლიტიკას, რომელიც არამარტო უკრაინას ეხება, საქართველოსაც ეხება, მსოფლიო წესრიგს ეხება.

ჩვენ ვართ ჩვეულებრივი ადამიანები, მოქალაქეები, რომლებსაც გვიყვარს სამშობლო, გვიყვარს ჩვენი მეგობრები და გვინდა, რომ იყოს მსოფლიოში მშვიდობა.

აქ ფეთქავს გულები უკრაინისთვის და მათი მხარდაჭერისთვის", - განაცხადა აქციის მონაწილე ნანა ამისულაშვილმა.