აშშ-ის სახელმწიფო მდივანმა, ანტონი ბლინკენმა, რუსეთის საგარეო საქმეთა მინისტრ სერგეი ლავროვთან საუბრისას გაიმეორა შეერთებული შტატების "ვალდებულება გააგრძელოს დიპლომატიური გადაწყვეტა იმ კრიზისიდან, რომელიც მოსკოვმა გამოიწვია".

ბლინკენმა განაცხადა, რომ აშშ მოუთმენლად ელის მოსკოვის ოფიციალურ პასუხს წერილობით დოკუმენტზე.

აშშ-ს სახელმწიფო დეპარტამენტის ინფორმაციის თანახმად, ბლინკენმა აღნიშნა, რომ ლავროვის თქმით, პასუხი უახლოეს დღეებში იქნება გადაცემული.

„ბლინკენმა გაიმეორა აშშ-ის მუდმივი შეშფოთება იმის შესახებ, რომ რუსეთს აქვს შესაძლებლობა, ნებისმიერ მომენტში დაიწყოს უკრაინაში შეჭრა და ხაზი გაუსვა საჭიროებას, რომ დაინახოს შემოწმებადი, სანდო, მნიშვნელოვანი დეესკალაცია“, - ნათქვამია განცხადებაში.

მან ხაზგასმით აღნიშნა, მიუხედავად იმისა, რომ რუსეთის შემდგომი აგრესია უკრაინის წინააღმდეგ გამოიწვევს სწრაფ, მკაცრ და ერთიან ტრანსატლანტიკურ პასუხს, აშშ რჩება დიპლომატიური გზის ერთგულები და სჯერა, რომ რჩება ფანჯარა კრიზისის მშვიდობიანი გზით გადასაჭრელად.