ევროპული საბჭოს პრეზიდენტი, შარლ მიშელი რუსეთს მოუწოდებს, უკრაინასთან დაკავშირებით შექმნილი დაძაბულობის განსამუხტად კონკრეტული ნაბიჯები გადადგას.

„რუსეთმა მიანიშნა, რომ შესაძლოა ღია გახდეს დიპლომატიის მიმართ და ჩვენ მოვუწოდებთ რუსეთს, გადადგას კონკრეტული და ხელშესახები ნაბიჯები დეესკალაციისკენ, რადგან ეს არის პირობა გულწრფელი პოლიტიკური დიალოგისთვის“, - განაცხადა შარლ მიშელმა.

მისი თქმით, მოსკოვმა ომსა და დიალოგს შორის არჩევანი უნდა გააკეთოს.

„დღეს არჩევანი უნდა გაკეთდეს ომსა და ტრაგიკულ მსხვერპლსა და პოლიტიკურ ჩართულობასა და დიპლომატიურ მოლაპარაკებებს შორის“, - აღნიშნა ევროპული საბჭოს პრეზიდენტმა.