ნედ პრაისი - რუსეთი ავითარებს ყალბ ნარატივებს უკრაინის წინააღმდეგ სამხედრო მოქმედების საბაბად გამოსაყენებლად -ეს რუსეთის კარგად ნაცნობი სცენარია, მათ შორის უკრაინასა და საქართველოში განხორციელებული შეჭრებიდან

აშშ-ის სახელმწიფო დეპარტამენტის პრესსპიკერის, ნედ პრაისის განცხადებით, არსებობს რისკი, რომ რუსეთი უკრაინაში შესაჭრელად ყალბ საბაბს გამოიყენებს.

„ეს შესაძლოა, მოიცავდეს ბრალდებებს დონბასში უკრაინელი სამხედროების ქმედებებთან დაკავშირებით, ცრუ ბრალდებებს აშშ-სა და ნატოს ქმედებებთან დაკავშირებით. ჩვენ შეშფოთებული ვართ, ვლადიმერ პუტინისა და სხვა მაღალჩინოსნების მიერ: „დონბასში გენოციდის" მოხსენიებით”,- განაცხადა პრაისმა.

მისი თქმით, აღნიშნულ ბრალდებებს საფუძველი არ გააჩნია, თუმცა ამ ფაქტს არ შეუჩერებია რუსეთი, გაეგრძელებინათ ცრუ ბრალდებები „უკრაინის შეიარაღებული ძალების მიერ მოკლული სამოქალაქო პირების მასობრივ სამარხებთან დაკავშირებით“, გაეკეთებინათ განცხადებები, რომ აშშ და უკრაინა მუშაობენ ბიოლოგიური იარაღის განვითარებაზე, რომელსაც მოგვიანებით რუსეთის მიერ კონტროლირებად ტერიტორიებზე გამოიყენებენ.

„ეს არის ყალბი ნარატივები, რომლებსაც რუსეთი ავითარებს იმისთვის, რომ უკრაინის წინააღმდეგ სამხედრო მოქმედების განხორციელების საბაბად გამოიყენოს. დეკემბერში რუსეთის თავდაცვის მინისტრმა, სერგეი შოიგუმ ნატო და შეერთებული შტატები დაადანაშაულა, რომ იგეგმება პროვოკაციები “დაუდგენელი ქიმიური კომპონენტების“ შემცველი რეზერვუარების დონბასში შეტანის გზით, რომელსაც შემდგომ უკრაინა გამოიყენებდა. ეს რუსეთის კარგად ცნობილი სცენარია, მათ შორის უკრაინასა და საქართველოში განხორციელებული შეჭრებიდან, ასევე მსოფლიოს სხვადასხვა მხარეში განხორციელებულ დეზინფორმაციის კამპანიებიდან”, - განაცხადა პრაისმა.

ირაკლი მელაშვილი - დასავლური კურსი დეკლარირებული გვაქვს, მაგრამ ხელისუფლებას მკაფიოდ აქვს გასაცემი პასუხი კითხვაზე - რატომ ამბობს საქართველო უარს დასავლეთის სამხედრო დახმარებაზე
მამუკა გამყრელიძე - პუტინისთვის საბედისწერო აღმოჩნდა შანხაის  სამიტი, მან სამარყანდში დაინახა, რომ  მარტო დარჩა, ამიტომაც შეცვალა ომის მიზანი
ქართული პრესის მიმოხილვა 03.10.2022
ბორის სოკოლოვი - პუტინს ნებისმიერ ფასად უნდა ომში გამარჯვება, ამაზეა დამოკიდებული მისი პოლიტიკური მომავალი და ფიზიკურად გადარჩენაც, მაგრამ არ ვარ დარწმუნებული, რომ იგი მზადაა, გამოიყენოს თუნდაც ტაქტიკური ბირთვული იარაღი
კახა ოქრიაშვილი - ჩვენი ეკონომიკა მინუსშია! დაბეჭდავენ ფულს, როგორც აქამდე და დაარიგებენ, ოღონდ ამ ფულით უფრო ნაკლებს ვიყიდით, ვიდრე დღეს ვყიდულობთ
წარმატება, რომელსაც BTU-მ 6 წლის განმავლობაში მიაღწია
ქართული ხალხური სიმღერის გამორჩეულ ოსტატსა და ლოტბარს, ტრისტან სიხარულიძეს სპეციალური ჯილდო - „მადლიერების ჩიტი“ გადაეცა
ქართული ციფრული ბანკების გლობალური აღიარება
ვოლტი ზუგდიდშია