კონკურენციის ეროვნული სააგენტო საწვავის ბაზარზე 2021 წლის პერიოდს აფასებს და რეკომენდაციას გასცემს

კონკურენციის ეროვნული სააგენტოს შეფასებით, 2021 წელს საავტომობილო საწვავის ბაზარზე კონკურენტული გარემო ჯანსაღია, თუმცა ეკონომიკური აგენტების მიმართულებით რეკომენდაციას გასცემს.

როგორც კონკურენციის სააგენტოს განცხადებაშია აღნიშნული, 2013 წლიდან ბაზარზე დადებითი ცვლილებები შეინიშნება როგორც ბენზინის და დიზელის იმპორტის, ასევე საბითუმო და საცალო რეალიზაციის მიმართულებით.

„2012 წელს, ბაზრის იმპორტის დონეზე წარმოდგენილი იყო 8 ეკონომიკური აგენტი, 2021 წელს მათი რიცხვი 39-ია. საცალო ბაზარზე 5 ყველაზე მსხვილი კომპანიის წილი 58%-ია, მაშინ როდესაც, 2013 წელს მხოლოდ 5 იყო. 2015 წლიდან 29%-ით გაზრდილია ავტოგასამართი სადგურების რიცხვი და ის 1232-ია, საიდანაც 5 მსხვილი კომპანია ოპერირებას უწევს მათ 40%-ს. იმპორტის დონზე ბაზარი ზომიერად კონცენტრირებულია, საბითუმო და საცალო დონეზე დაბალკონცენტრირებული, მოხდა ცვლილება ,,ხუთეულში’’, რაც მიუთითებს აქტიურ კონკურენციაზე“, - აცხადებს კონკურენციის ეროვნული სააგენტოს თავმჯდომარე ირაკლი ლექვინაძე.

მისი განმარტებით, ამავე პერიოდში, საწვავის ფასის ფორმირებაზე ძირითად გავლენას ახდენდა გლობალური ფასი, რომელიც 2021 წელს 65%-ით არის გაზრდილი, ეროვნული კურსის გამყარების მაჩვენებელი კი მხოლოდ 6-7%-ის ფარგლებში იყო, რაც ვერ აკომპენსირებდა გაზრდილ გლობალურ ფასს.

„ადგილობრივ ბაზარზე მსოფლიო ფასის ცვლილება აისახებოდა 2–4 კვირიან შუალედში. მცირე ქსელები ფასზე ბევრად მოქნილად რეაგირებენ. ასევე, აქტიური კონკურენციის მაჩვენებელია ფასთაშორის სხვაობები ერთიდაიგივე ტიპის ბენზინის "რეგულარის" საწვავზე მსხვილ და მცირე ქსელებს შორის, 2021 წელს ის 30–45 თეთრის ფარგლებში იყო. ერთის მხრივ, ამის მიზეზი თურქმენეთიდან და რუსეთიდან შედარებით დაბალი თვითღირებულებით შემოსული საწვავია. მთლიანობაში საწვავის ადგილობრივ ბაზარზე მიმდინარე ტენდენციები თანხვედრაში იყო ძირითად მომწოდებელ ქვეყნებში მიმდინარე პროცესებთან“, - აცხადებს ლექვინაძე.

კონკურენციის სააგენტოს ანგარიშის მიხედვით, მსხვილი კომპანიების ფასნამატები ოქტომბერ-იანვარში 13-31 თეთრის ფარგლებში მერყეობდა, რაც 5-10%-ია.

მონიტორინგის ანგარიშის მიხედვით, კონკურენციის ეროვნული სააგენტო რეკომენდაციას გასცემს და მოუწოდებს ეკონომიკურ აგენტებს თავი შეიკავონ საწვავის სამომავლო ფასების ცვლილების დაკონკრეტებისაგან, განურჩევლად იმისა, ემყარება თუ არა ეს განცხადებები საერთაშორისო ბაზარზე მიმდინარე პროცესებს.

„საჯარო განცხადება, რომ ფასი შეიცვლება კონკრეტული ციფრით - წარმოადგენს ბაზრის დამატებით გამჭვირვალობას და შესაძლოა მოიცავდეს სენსიტიურ მონაცემებს. გარკვეული ფაქტობრივი გარემოებების დადგომის შემთხვევაში, ამგვარი განცხადება შესაძლოა განხილულ იქნეს როგორც კონკურენციის კანონმდებლობის სავარაუდო დარღვევის რისკი“, - განმარტავს ირაკლი ლექვინაძე.

მონიტორინგის ანგარიშის მიხედვით, 2021 წელს, ქვეყანაში საერთო ჯამში იმპორტირებულია 1 453 707 000 ლიტრი ბენზინი და დიზელი, რაც 7.2% - ით მეტია 2020 წლის ანალოგიურ მაჩვენებელზე. საწვავის ყველაზე დიდი მოცულობის იმპორტი განხორციელდა თურქმენეთიდან - 22.1%, რომელსაც მოყვება რუსეთის ფედერაცია - 19.2% და რუმინეთი -18.2%. საერთო იმპორტის 45.7% შეადგინა დიზელის ტიპის საწვავმა, ხოლო 54.3% ბენზინის. ბენზინის ტიპის საწვავიდან, ყველაზე მოთხოვნად სახეობას წარმოადგენდა "რეგულარის" მარკის საწვავი, რომლის პროცენტულმა წილმა ბენზინის სახეობებში შეადგინა - 64%, ხოლო საერთო იმპორტში - 34.9%.

ბორის სოკოლოვი - პუტინს ნებისმიერ ფასად უნდა ომში გამარჯვება, ამაზეა დამოკიდებული მისი პოლიტიკური მომავალი და ფიზიკურად გადარჩენაც, მაგრამ არ ვარ დარწმუნებული, რომ იგი მზადაა, გამოიყენოს თუნდაც ტაქტიკური ბირთვული იარაღი
ქართული პრესის მიმოხილვა 30.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
კახა ოქრიაშვილი - ჩვენ, ქართველებს არ გვეკადრება ისეთი ხელისუფლება, რომელსაც საკუთარი ერი ფიზიკურ და ფსიქოლოგიურ ტერორში ჰყავს
კომპანია „აზრმა“ BDO Digital-თან თანამშრომლობით ISO 27001 სტანდარტი დანერგა
ბაზისბანკის ინვესტიციით, მესტიაში სასტუმრო „ლილეო ინნ“ გაიხსნა
სიახლე მხოლოდ „ლიბერთის“ მომხმარებლებისთვის
„შეცვალე“ – „პროკრედიტ ბანკი“ მასშტაბურ გარემოსდაცვით კამპანიას იწყებს
ვებ-გვერდ ss.ge-ზე ვიზიტორთა რაოდენობა 60 000-მდე გაიზარდა, მათ შორის 30% უცხო ქვეყნის მოქალაქეა
WhiteBit კრიპტოვალუტის ბირჟაზე ხელმისაწვდომი გახდა დოლარისა და ევროს გატანა Visa/Mastercard-ზე, ისევე როგორც უკრაინული გრივნის გატანა IBAN საბანკო ანგარიშის ნომერზე
„ჰიუნდაი ავტო საქართველომ“ 25 წლის იუბილე აღნიშნა
უძრავი ქონების პლატფორმას - Georgia Real Estate ახალი გენერალური დირექტორი ჰყავს
ბაზისბანკი, ბიზნესის დაკრედიტების ზრდის ტემპით, პირველ ადგილზეა
PSP “ჯანმრთელობის პროგნოზი“ - ახალ კამპანიას იწყებს