პარლამენტმა ინიციატივა დაამტკიცა, რომლითაც იმპორტირებულ მედიკამენტებზე GMP-ის სტანდარტით წარმოების დამადასტურებელი დოკუმენტაციის წარმოდგენა სავალდებულო ხდება

პარლამენტმა მთავრობის საკანონმდებლო ინიციატივა დაამტკიცა, რომლის საფუძველზეც იმპორტირებულ მედიკამენტებზე GMP-ის სტანდარტით წარმოების დამადასტურებელი დოკუმენტაციის წარმოდგენა სავალდებულო ხდება.

ამასთან დაკავშირებით “წამლისა და ფარმაცევტული საქმიანობის შესახებ“ კანონში დაგეგმილი ცვლილები მესამე მოსმენით მიიღეს.

ჯანდაცვის მინისტრის პირველი მოადგილის თამარ გაბუნიას განმარტებით, კანონით უკვე ძალაშია შესული ადგილობრივი წარმოების მედიკამენტებზე GMP-სტანდარტის მოთხოვნა. მისი თქმით, მნიშვნელოვანია, რომ ადგილობრივი მწარმოებლები და იმპორტიორები თანაბარ პირობებში იყვნენ.

კანონპროექტის საპარლამენტო განხილვისას დისკუსია გაიმართა ჩანაწერზე - „ფარმაცევტული პროდუქტის GMP-ის (კარგი საწარმოო პრაქტიკის) სტანდარტით წარმოების დამადასტურებელი დოკუმენტაცია“, რომლის წარმოდგენაც იმპორტიორებისთვის სავალდებულო ხდება.

საბოლოოდ შეთანხმდნენ, თუ რა იგულისხმება “დოკუმენტაციის“ ქვეშ. მიღებული გადაწყვეტილების მიხედვით, იგი შეიძლება წარმოდგენილ იქნეს როგორც ორიგინალის, ისე ასლის სახით ან ელექტრონული დოკუმენტის ან სხვა საჯაროდ ხელმისაწვდომი ფორმით, მოპოვების წყაროს მითითებით.

„წამლისა და ფარმაცევტული საქმიანობის შესახებ“ კანონში ცვლილები პარლამენტმა დაჩქარებული წესით განიხილა და მიიღო.

გაამართლა თუ არა მართვის მოწმობის ასაღები გამოცდის რეალურ მოძრაობაში გადატანამ და როგორია ჩაბარება-ჩაჭრის მაჩვენებელი? - ინტერვიუ შსს-ს მომსახურების სააგენტოს დირექტორის მოადგილესთან
კორნელი კაკაჩია - ამერიკელი ანალიტიკოსების აზრით, „საქართველო არის ქვეყანა, რომელმაც დაკარგა სტრატეგიული კომპასი“ და „ახლა ძრავაგაჩერებულ მანქანას ჰგავს, რომელიც ინერციით მოძრაობს“
ქართული პრესის მიმოხილვა 06.10.2022
საქართველოს ბიზნეს ასოციაციის წევრი კომპანიების წარმომადგენლები საქართველოს პრემიერ-მინისტრს შეხვდნენ
„საქართველოს ბანკის“ მხარდაჭერით, თბილისში ახალი მრავალფუნქციური სივრცე „კომბინატი - Combinaty“ იხსნება
ტერაბანკისა და სააგენტოს „აწარმოე საქართველოში“ მხარდაჭერით, „ავეჯის აკადემიის“ საამქრო ახალი დანადგარებით აღიჭურვა
თბილისში „ელიტ ელექტრონიქსის“ ახალი კონცეფციის მაღაზია გაიხსნა
თბილისში „სმარტის“ 32-ე სუპერმარკეტი გაიხსნა
ბაზისბანკმა, შეღავათიანი აგრო კრედიტის ფარგლებში, ხილის გადამამუშავებელი ქარხანა დააფინანსა
ევექსი კლინიკებმა კამპანია - „გეკუთვნის“ დაიწყო