ნატო არის უსაფრთხოების გარანტი. ასე რომ, როგორ შეიძლება ავირჩიოთ სხვა გზა? ჩვენთვის ეს არის გარანტია, არ დავკარგოთ დამოუკიდებლობა, - BBC-ის ინფორმაციით, ამის შესახებ უკრაინის პრეზიდენტმა ვლადიმერ ზელენსკიმ განაცხადა.

მისი თქმით, ნატოსა და ევროკავშირში გაწევრიანების გზა „გრძელი“ იქნება.

„ჩემთვის, როგორც პრეზიდენტისთვის, ამ გზაზე ყველაზე მთავარია, არ დავკარგო ჩემი ქვეყანა“, - აღნიშნა ზელენსკიმ.

კითხვაზე, რას ფიქრობს ზოგიერთი ევროპული ქვეყნის მხრიდან ზეწოლის შესახებ, რომელსაც უკრაინაში ნატო-ს გაწევრიანება არ სურს, ზელენსკიმ უპასუხა: „ჩვენ არ შეგვიძლია დავხუჭოთ თვალი და ვთქვათ, რომ მხოლოდ რუსეთს არ სურს ჩვენი ალიანსში ყოფნა. ეს ასე არ არის.“

„ევროკავშირის ზოგიერთი ქვეყანა რუსეთთან ერთად თამაშობს, რაც არასწორია,“- აღნიშნა ზელენსკიმ.