შრომის უსაფრთხოების გაძლიერების მიზნით დაგეგმილი ღონისძიებების ფარგლებში, "საქნახშირმა" თანამშრომლების გადამზადების პროგრამა დაიწყო. პროგრამის მიზანია თანამშრომელთა კვალიფიკაციის ამაღლება შრომისა და ტექნიკური უსაფრთხოების მიმართულებით, რათა მეტად იყოს უზრუნველყოფილი სამუშაოების უსაფრთხოდ, წესების სრული დაცვით წარმოება.

გადამზადება ჩაუტარდებათ მოპოვების, მზადების, აფეთქებისა და სარემონტო სამუშაოების წარმოებაზე პასუხისმგებელ თანამშრომლებს, ასევე შრომის უსაფრთხოების ინსპექტორებს. სწავლების მიმდინარეობისას, კომპანია თანამშრომლებს სწავლისთვის და გამოცდებისთვის აუცილებელი მასალებით უზრუნველყოფს. გადამზადების დასრულების შემდეგ, თანამშრომლების ცოდნა გამოცდის მეშვეობით შემოწმდება.

პროგრამა საქართველოს ტექნიკური უნივერსიტეტის სამეცნიერო-საკვლევო საპროექტო ცენტრის "სამთო გეოლოგ პროექტი" ხელმძღვანელის და ამავე უნივერსიტეტის სამთო ტექნოლოგიების დეპარტამენტის პროფესორის, გელა მაჩაიძის ხელმძღვანელობით ხორციელდება.

(R)