10-17 თებერვლის პერიოდში საქართველოში ონლაინსწავლების რეჟიმზე გადასვლა 8 992 მოსწავლის მშობელმა მოითხოვა, 25 325 -მა კი გააუქმა
10-17 თებერვლის შუალედში, ქვეყნის მასშტაბით, ონლაინსწავლების რეჟიმზე გადასვლის მოთხოვნა, 8992 მოსწავლის მშობელმა დაწერა.
ამის შესახებ „ინტერპრესნიუსს“ განათლების და მეცნიერების სამინისტროს სსიპ „განათლების მართვის საინფორმაციო სისტემაში“ (EMIS) განუცხადეს.
მათივე განმარტებით, 10-17 თებერვლის შუალედში ონლაინსწავლების მოთხოვნა 25 325-მა მშობელმა გააუქმა.
შეგახსენებთ, რომ ჯამში, მოსწავლეთა რაოდენობა ქვეყნის მასშტაბით 624 000-ს შეადგენს.
