დავით ზალკალიანი - ის ფაქტი, რომ საქართველოს დელეგაცია პრემიერის ხელმძღვანელობით მიუნხენის უსაფრთხოების კონფერენციაზე იმყოფება, მიანიშნებს, რომ მსოფლიო თანამეგობრობისთვის ჩვენი აზრი ძალიან მნიშვნელოვანია

ის ფაქტი, რომ საქართველოს დელეგაცია პრემიერ-მინისტრის ხელმძღვანელობით აქ იმყოფება, მიანიშნებს იმაზე, რომ მსოფლიო თანამეგობრობისთვის ჩვენი აზრი ძალიან მნიშვნელოვანია, - ამის შესახებ საგარეო საქმეთა მინისტრმა დავით ზალკალიანმა, მიუნხენში, ჟურნალისტებს განუცხადა.

მისი თქმით, დაგეგმილია პრემიერ-მინისტრის ორმხრივი შეხვედრები, სადაც მთავრობის მეთაური ისაუბრებს სამხრეთ კავკასიაზე და სამშვიდობო ინიციატივებზე.

„ძალიან მნიშვნელოვანია მიუნხენის უსაფრთხოების კონფერენცია ზოგადად, მაგრამ განსაკუთრებით ამ პერიოდში, როდესაც უკრაინის გარშემო არის ასეთი დაძაბული სიტუაცია. მსოფლიო თანამეგობრობა ბუნებრივია, იმსჯელებს იმაზე, თუ რა ნაბიჯები უნდა გადაიდგას სიტუაციის დეესკალაციისთვის. ის ფაქტი, რომ საქართველოს დელეგაცია პრემიერ-მინისტრის ხელმძღვანელობით აქ იმყოფება, მოგეხსენებათ, რომ ის პირადად არის მოწვეული ვოლფგანგ იშინგერის მიერ ამ ღონისძიებაზე, მიანიშნებს იმაზე, რომ მსოფლიო თანამეგობრობისთვის ჩვენი აზრი ძალიან მნიშვნელოვანია, იმიტომ, რომ საქართველო იმყოფება გამოწვევებით სავსე რეგიონში და ჩვენ ჩვენს თავზე ვიწვნიეთ ის მძიმე შედეგები, რაც მოჰყვა 2008 წლის ომს. აქედან გამომდინარე, ჩვენი პოზიციები ბუნებრივია, ყველასთვის საინტერესოა და პრემიერი ყველა დაგეგმილ შეხვედრაზე ისაუბრებს ასევე ჩვენს რეგიონზე, სამხრეთ კავკასიაზე, სამშვიდობო ინიციატივებზე. ერთ-ერთი ძალიან წარმომადგენლობითი ღონისძება, რომელშიც პრემიერ-მინისტრი მიიღებს მონაწილეობას, სწორედ ჩვენს რეგიონზე იქნება ფოკუსირებული და ამ დისკუსიაში კონცენტრირება იქნება სამხრეთ კავკასიის სამშვიდობო ინიციატივასთან დაკავშირებით, რომელიც პრემიერმა გაეროს გენერალური ასამბლეის ტრიბუნიდან წარმოადგინა.

ასევე დაგეგმილია ორმხრივი შეხვედრები, დაგეგმილია შეხვედრები ბიზნესწრეების წარმომადგენლებთან, რადგან პანდემიის შემდეგ ეკონომიკური გაჯანსაღება და მეტი ინვესტიციის მოზიდვა ჩვენი ხელისუფლების პრიორიტეტია“, - განაცხადა დავით ზალკალიანმა.

ამირან გამყრელიძე - თანამდებობის დატოვებას ვფიქრობდი, თუმცა ორი-სამი წლის შემდეგ, როცა ბოლომდე მივიყვანდი ორ დიდ ეროვნულ პროექტს, მაგრამ „კაცი ბჭობდა და ღმერთი იცინოდაო“
დიტერ ბოდენი - ქართულ-აფხაზური ურთიერთობების მოწესრიგების პროცესში საქართველო უნდა იყოს ლიდერი, სამწუხაროდ, ამ ეტაპზე ქართული მხრიდან ამას ვერ ვხედავ
ქართული პრესის მიმოხილვა 22.09.2022
თანამედროვე უსაფრთხოების დილემა: ქართული მრავალწახნაგა
Hallo - პირველი ვირტუალური მობილური ოპერატორი საქართველოში
Hotsale.ge-მ ვებგვერდზე განთავსებულ კვების ობიექტებში ჰიგიენურ-სანიტარული ნორმების მონიტორინგი დაიწყო
iPhone 14 უკვე ელიტ ელექტრონიქსში
ბაზისბანკის და ინტელექტ-კლუბ რა? სად? როდის? 10-წლიანი პარტნიორობა გრძელდება
საერთაშორისო სამეცნიერო კონფერენცია - "ონკოლოგია და ბირთვული მედიცინა" გაიმართა
კარფური და მასტერქარდი „ერთად ბავშვებისთვის“