საერთაშორისო სათხილამურო ფედერაციის ევროპის თასის კოორდინატორი-საქართველომ კარგად იმუშავა, როგორც საორგანიზაციო, ისე ინფრასტრუქტურული კუთხით - ვფიქრობ, 2023 წელს საქართველო კარგად გაართმევს თავს მსოფლიო ჩემპიონატს

2020 წელს პირველად ვიყავი ევროპის თასზე გუდაურში, მას შემდეგ საქართველომ დიდი გამოცდილება მიიღო. საქართველოს სათხილამურო ფედერაციამ და ემ. თი. ეიმ. (MTA) კარგად იმუშავეს, როგორც საორგანიზაციო, ისე ინფრასტრუქტურული კუთხით - ვფიქრობ, 2023 წელს საქართველო კარგად გაართმევს თავს მსოფლიო ჩემპიონატს, - ამის შესახებ საერთაშორისო სათხილამურო ფედერაციის ევროპის თასის კოორდინატორმა, როლანდ ჰორნიმ ჟურნალისტებთან FIS-ის ეგიდით, ბაკურიანში დაგეგმილ ევროპის თასის ეტაპებზე საუბრისას განაცხადა.

როგორც როლანდ ჰორნი განმარტავს, აქტიურად მიმდინარეობს საშეჯიბრო ტრასასთან დაკავშირებული სამუშაოები. ამასთან, აღნიშნავს, რომ სამუშაო პროცესში პროფესიონალები მონაწილეობენ, რაც ურთიერთობას ამარტივებს.

"საშეჯიბრო ტრასას რაც შეეხება, ძალიან კარგად მიმდინარეობს სამუშაო პროცესი. დაგეგმილ განრიგზე წინ ვართ. ყველაფერი ძალიან მარტივად მიდის, ძალიან ბევრი ადამიანია ჩართული სამუშაო პროცესში და ყველამ იცის თავისი საქმე, შესაბამისად მათთან ურთიერთობა ძალიან მარტივია. 2020 წელს პირველად ვიყავი ევროპის თასზე გუდაურში, მას შემდეგ საქართველომ დიდი გამოცდილება მიიღო. საქართველოს სათხილამურო ფედერაციამ და "ემ თი ეიმ" ( მთის ტრასების სააგენტო) კარგად იმუშავეს, როგორც საორგანიზაციო ისე ინფრასტრუქტურული კუთხით. ვფიქრობ, რომ 2023 წელს საქართველო კარგად გაართმევს თავს მსოფლიო ჩემპიონატს",- განმარტავს რონალდ ჰორნი.

შეგახსენებთ, საერთაშორისო სათხილამურო ფედერაციის (FIS) ეგიდით ბაკურიანში, 19-20 თებერვალს ევროპის თასის ეტაპები, 3-6 მარტს კი მსოფლიო თასის ეტაპები გაიმართება. ევროპის თასის ეტაპები მოიცავს პარალელური გიგანტური სლალომის დისციპლინას, ხოლო მსოფლიო თასის ეტაპები სლოუფსთაილის.

როგორც " ემ თი ეიში" (მთის ტრასების სააგენტოში) აღნიშნავენ, წლევანდელი შეჯიბრი განსაკუთრებული იქნება, რადგან ბაკურიანი სლოუფსთაილის სახეობას პირველად უმასპინძლებს. ჯამში კურორტს, მსოფლიოს 40-მდე ქვეყნის (ავსტრია, ავსტრალია, გერმანია, იტალია, შვეიცარია, ჰოლანდია, პოლონეთი და ა.შ), 200-მდე სპორტსმენი ეწვევა, მათ შორის პეკინის ოლიმპიადის ოქროს მედალოსანი ბენჟამინ კარლი.

ყველა ღონისძიება FIS-ის მიერ შემუშავებული COVID პროტოკოლის, წესებისა და რეგულაციების მკაცრი დაცვით ჩატარდება.

შეჯიბრებები საქართველოს მთავრობის მხარდაჭერით, ეკონომიკისა და მდგრადი განვითარების სამინისტროს შპს „ემ თი ეის“ და საქართველოს სათხილამურო ფედერაციის ორგანიზებით გაიმართება. ღონისძიების პარტნიორი კი კომპანია „სილქნეტია“.

ბავშვთა მიმართ სექსუალური ხასიათის დანაშაულები და მასთან დაკავშირებული პრობლემები - როგორ ამოვიცნოთ მოძალადე და როგორ უნდა დაეხმაროს მშობელი შვილს მომხდარის გადატანაში? - ფსიქოლოგის რეკომენდაციები
ვახტანგ ხმალაძე - როცა ცესკოს მიმართ ნდობა დაბალია, არჩევნების ჩატარება სახიფათო რისკების შემცველია
ქართული პრესის მიმოხილვა 22.02.2024
ჰიუნდაი ავტო საქართველოში შერჩეულ მოდელებზე მწარმოებლის ბონუსს მიიღებთ
ტერაბანკის პარტნიორობით, ილიას სახელმწიფო უნივერსიტეტში პრე-აქსელერაციის პროგრამა დასრულდა
ამერიკის შეერთებული შტატების ელჩი საქართველოს უნივერსიტეტს ესტუმრა
მსოფლიოს წამყვანი ტექნოლოგიური კომპანიის, Salesforce-ის ოფიციალური წარმომადგენელი და პარტნიორი კომპანია INSPARK, საქართველოში იწყებს ოპერირებას
ალექსანდრე ჯეჯელავა საუბრობს 8 ცხოვრებისეულ მოლოდინზე, რომელიც ხშირად განგრევთ
სილქნეტის მაღაზიებში „National Geographic საქართველოს“ სპეციალურ ფასად შეიძენთ