კობა გვენეტაძემ საერთაშორისო სავალუტო ფონდის კონფერენციაზე გეოპოლიტიკურ გამოწვევებსა და მაკროეკონომიკურ ფაქტორებზე ისაუბრა

ბელგიის ცენტრალურმა ბანკმა საერთაშორისო სავალუტო ფონდის ნიდერლანდების, ბელგიისა და ლუქსემბურგის ჯგუფში შემავალი ქვეყნების ცენტრალური ბანკების მმართველებისთვის კონფერენცია გამართა.

საქართველოს ეროვნული ბანკის ინფორმაციით, კონფერენციაში მონაწილეობა ხორვატიის, უკრაინის, ჩრდილოეთ მაკედონიის, ისრაელის, მოლდოვის, კვიპროსისა და სომხეთის ცენტრალური ბანკების მმართველებმა მიიღეს. კონფერენციის მთავარი თემა "პოსტკოვიდური და გეოპოლიტიკური გამოწვევები: ახალი რეალობა მაკროეკონომიკისთვის და უძრავი ქონების ბაზრისთვის" იყო.

მათივე ცნობით, საქართველოს ეროვნული ბანკის პრეზიდენტი, კობა გვენეტაძე პირველი სესიის სპიკერად იყო მიწვეული და ისაუბრა თემაზე „კოვიდ-19 და ბოლო პერიოდის გეოპოლიტიკური გამოწვევები: მაკროეკონომიკური შედეგები და პერსპექტივები“.

ამასთან, კობა გვენეტაძის განცხადებით, რეგიონში ფართომასშტაბიანი კონფლიქტის ესკალაცია გავლენას საქართველოს ეკონომიკაზეც მოახდენს და გააძლიერებს საგარეო შოკს ძირითადად 3 მიმართულებით: ექსპორტი, ფულადი გზავნილები და ტურიზმი.

ეროვნული ბანკის პრეზიდენტმა ხაზი გაუსვა 2017-2021 წლებში გაფართოებული დაფინანსების მექანიზმით სსფ-ის მიერ მხარდაჭერილი პროგრამის მნიშვნელობას და აღნიშნა, რომ ამ პროგრამამ საქართველოს ეკონომიკურ გაჯანსაღებას ხელი შეუწყო.

"ინფლაცია ბოლო პერიოდის მნიშვნელოვანი გლობალური გამოწვევაა. დროებითი ფაქტორების წვლილი ინფლაციაში კვლავ მაღალია, რაც გრძელვადიანი ინფლაციური მოლოდინების ზრდის რისკებს წარმოშობს. სწორედ ამ რისკების საპასუხოდ, 2021 წლის გაზაფხულიდან მონეტარული პოლიტიკა გამკაცრებულ ფაზაშია, რათა უზრუნველვყოთ, რომ ფასების ბოლოდროინდელმა მატებამ, რომლებიც ძირითადად დროებითი ფაქტორებითაა გამოწვეული, ინფლაციის გრძელვადიანი მოლოდინების ზრდა არ გამოიწვიოს. ჩვენ იმ მცირერიცხოვან ცენტრალურ ბანკებს შორის ვართ, რომლებიც მონეტარული პოლიტიკის განაკვეთის მოსალოდნელ ტრაექტორიას საჯაროდ აქვეყნებენ. მონეტარული პოლიტიკის განაკვეთის პროგნოზის გამოქვეყნებით ბაზარს ეკონომიკური პერსპექტივის თანმიმდევრული მოლოდინის ჩამოყალიბებაში ვეხმარებით. ეს კი მაკროეკონომიკური გაურკვევლობის შემცირებას უწყობს ხელს, რაც პანდემიის პირობებში განსაკუთრებით მნიშვნელოვანია," - განაცხადა კობა გვენეტაძემ.

გაამართლა თუ არა მართვის მოწმობის ასაღები გამოცდის რეალურ მოძრაობაში გადატანამ და როგორია ჩაბარება-ჩაჭრის მაჩვენებელი? - ინტერვიუ შსს-ს მომსახურების სააგენტოს დირექტორის მოადგილესთან
ქართული პრესის მიმოხილვა 03.10.2022
ირაკლი მელაშვილი - დასავლური კურსი დეკლარირებული გვაქვს, მაგრამ ხელისუფლებას მკაფიოდ აქვს გასაცემი პასუხი კითხვაზე - რატომ ამბობს საქართველო უარს დასავლეთის სამხედრო დახმარებაზე
ტერაბანკისა და სააგენტოს „აწარმოე საქართველოში“ მხარდაჭერით, „ავეჯის აკადემიის“ საამქრო ახალი დანადგარებით აღიჭურვა
თბილისში „ელიტ ელექტრონიქსის“ ახალი კონცეფციის მაღაზია გაიხსნა
თბილისში „სმარტის“ 32-ე სუპერმარკეტი გაიხსნა
ბაზისბანკმა, შეღავათიანი აგრო კრედიტის ფარგლებში, ხილის გადამამუშავებელი ქარხანა დააფინანსა
ევექსი კლინიკებმა კამპანია - „გეკუთვნის“ დაიწყო
კახა ოქრიაშვილი - ჩვენი ეკონომიკა მინუსშია! დაბეჭდავენ ფულს, როგორც აქამდე და დაარიგებენ, ოღონდ ამ ფულით უფრო ნაკლებს ვიყიდით, ვიდრე დღეს ვყიდულობთ
წარმატება, რომელსაც BTU-მ 6 წლის განმავლობაში მიაღწია
ქართული ხალხური სიმღერის გამორჩეულ ოსტატსა და ლოტბარს, ტრისტან სიხარულიძეს სპეციალური ჯილდო - „მადლიერების ჩიტი“ გადაეცა