პედიატრი ეკა უბერი - ეს უკვე დამტკიცებულია, რომ ბავშვებში „ომიკრონის" შემთხვევაში მკვეთრად შემცირებულია პოლისისტემური ანთებითი სინდრომი და პნევმონიის განვითარების რისკი

ეს უკვე დამტკიცებულია, რომ ბავშვებში „ომიკრონის" შემთხვევაში მკვეთრად შემცირებულია პოლისისტემური ანთებითი სინდრომი და პნევმონიის განვითარების რისკი, - ამის შესახებ პედიატრმა ეკა უბერმა „პალიტრანიუსის“ გადაცემაში „360 გრადუსი“ განაცხადა.

მისივე თქმით, ბავშვებში „ომიკრონის“ უფრო მსუბუქად მიმდინარეობა გამოწვეულია თანდაყოლილი იმუნური სტატუსით და ვაქცინების ეფექტით, რომელიც 2 თვის ასაკიდან გეგმურად ტარდება.

„კი ბატონო, ვეთანხმები მშობელს, რომ ნამდვილად მაღალი ტემპერატურით მიდის "ომიკრონი", მაგრამ სწრაფად ექვემდებარება სიცხის დამწევს. 2-3 დღის განმავლობაში გრძელდება ეს სისტემური რეაქცია, რომელიც შემდგომში შესაძლებელია, ხველით, მსუბუქი სპაზმური ხველით გართულდეს, სულ ეს არის როგორც წესი ჯანმრთელ ბავშვებში "ომიკრონის" მიმდინარეობა, უმრავლეს შემთხვევაში.

რა თქმა უნდა, არის გართულებები, მაგრამ არა უფრო ხშირად, ვიდრე „დელტა“ შტამის შემთხვევაში.

გართულების მიზეზად ისევ და ისევ რჩება თანმდევი დაავადებები, ქრონიკული დაავადებები, ნერვული სისტემის დაზიანებით მიმდინარე მდგომარეობები, რაც რა თქმა უნდა, ართულებს და ზრდის სტაციონარში მოხვედრის რისკს ბავშვთა შემთხვევაში. რაც უფრო მაღალია ასაკი ბავშვის, მით უფრო მეტია რისკი. რატომ გადააქვთ ბავშვებს შედარებით უფრო მსუბუქად? საუბარია თანდაყოლილ იმუნურ სტატუსზე და იმ ვაქცინაციების ეფექტზე, რომელიც ჩვეულებრივ გეგმურად ტარდება 2 თვის ასაკიდან ბავშვებში და საუბარია ისევ და ისევ ჯვარედინ რეაქციაზე, რომელმაც შესაძლებელია დამცველობითი რეაქციის სახით იმუშაოს "ომიკრონის" შემთხვევაშიც“, - განაცხადა ეკა უბერმა.

ასევე, პედიატრმა ეკა უბერმა გადაცემაში „ომიკრონის“ დროს ბავშვებში გამოხატულ სიმპტომებსა და თავისებურებებზეც ისაუბრა.

„რაც შეეხება ბავშვებში "ომიკრონის" მიმდინარეობას, ერთი თავისებურება მინდა გამოვყო, გარდა ჰექტიური ტემპერატურებისა, რომელიც პირველი 24 საათის განმავლობაში ცოტა რთულად ექვემდებარება სიცხის დამწევ საშუალებებს, ასევე არის ე.წ. კრუპის შემთხვევათა მატება, რაც ვლინდება ზედა სასუნთქი გზების შეშუპებით და ვლინდება სპეციფიკური სიმპტომატიკით, ე.წ. მყეფარე ხასიათის ხველით, ხმაურიანი სუნთქვით, ხმის ტემბრის შეცვლით, რაც მანამდე სხვა ვირუსების დროსაც იყო დამახასიათებელი, მაგრამ ახლა გამოიხატა "ომიკრონის" დროს“, - განაცხადა ეკა უბერმა.

უკრაინაში შედგენილ სასანქციო სიაზე მომუშავე ჯგუფის წევრი სვეტლანა მუსიიაკა - სიაში დღეისთვის 19 ათასი ადამიანია, თუმცა ეს საწყისი ეტაპის სამუშაოა და სანქციებზე საბოლოო გადაწყვეტილება დამოკიდებული იქნება უსაფრთხოების საბჭოსა და შემდეგ უკვე პრეზიდენტზე
ქართული პრესის მიმოხილვა 29.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
„ფარმადეპოში“ თურქული მედიკამენტების ასორტიმენტი გაიზარდა
ბაზისბანკის მხარდაჭერით, ფონდ "ნატვრის ხის" საქველმოქმედო კონცერტი გაიმართა
VISA-ს და „ბიბლუსის“ ერთობლივი შეთავაზება მომხმარებელს - 30%-იანი ფასდაკლება სრულ ასორტიმენტზე
კომპანია FINA-ს წარმატების ისტორია - 11 წელი ბაზარზე
ტერაბანკისა და სააგენტოს „აწარმოე საქართველოში“ ხელშეწყობით, კახეთში სასტუმრო „ისევ ყვარელი“ განახლდა