რუსეთი მზადაა თვითგამოცხადებულ დონეცკსა და ლუგანსკში საკუთარი მოქალაქეები დაიცვას, თუკი მათ სიცოცხლეს საფრთხე დაემუქრება, - რუსული მედიის ინფორმაციით, ამის შესახებ სახელმწიფო დუმის სპიკერმა, ვიაჩესლავ ვოლოდინმა განაცხადა.
"რუსეთს არ სურს ომი. ჩვენმა პრეზიდენტმა ვლადიმერ პუტინმა ეს არაერთხელ განაცხადა. თუ დონეცკისა და ლუგანსკის სახალხო რესპუბლიკებში მცხოვრები რუსებისა და თანამემამულეების სიცოცხლეს საფრთხე შეექმნება, ჩვენი ქვეყანა მათ დაიცავს,“- განაცხადა ვოლოდინმა.
შეგახსენებთ, გუშინ რუსეთის მიერ მხარდაჭერილმა სეპარატისტების ლიდერებმა, ლეონიდ პასეჩნიკმა და დენის პუშილინმა თვითგამოცხადებული ე.წ. დონეცკისა და ლუგანსკის სახალხო რესპუბლიკებში მოსახლეობის ევაკუაცია გამოაცხადეს. ამასთან, გუშინვე ცნობილი გახდა, რომ რუსეთის პრეზიდენტის, ვლადიმერ პუტინის დავალებით, რუსეთის მთავრობა თითოეულ დევნილს, ვინც დონეცკიდან როსტოვში გადავა, დახმარების სახით, 10 ათას რუბლს გადაუხდის.