ოკუპირებული დონეცკის ე.წ. ლიდერმა, დენის პუშილინმა საყოველთაო მობილიზაცია გამოაცხადა, - ინფორმაციას რუსული მედია ავრცელებს.
"მოვუწოდებ თანამემამულეებს, რომლებიც რეზერვში არიან, მოვიდნენ სამხედრო კომისარიატებში. დღეს მე ხელი მოვაწერე განკარგულებას საყოველთაო მობილიზაციის შესახებ", - განაცხადა პუშილინმა.
მედიის ინფორმაციით, საყოველთაო მობილიზაცია გამოაცხადა ე.წ. ლუგანსკის სახალხო რესპუბლიკის სეპარატისტმა ლიდერმა, ლეონიდ პასეჩნიკმაც.
შეგახსენებთ, გუშინ ლეონიდ პასეჩნიკმა და დენის პუშილინმა ე.წ. დონეცკისა და ლუგანსკის სახალხო რესპუბლიკებში მოსახლეობის ევაკუაცია გამოაცხადეს. გავრცელებული ინფორმაციით, ე.წ. დონეცკის სახალხო რესპუბლიკიდან რუსეთში 700 000-მდე ადამიანის ევაკუირება იგეგმება.