კანადის დედაქალაქ ოტავაში პოლიციამ 100-ზე მეტი აქტივისტი დააკავა, რომელიც კოვიდშეზღუდვებს აპროტესტებდა. ოტავას პოლიციის სამსახურის განცხადებით, მათ აქტივისტებს არაერთხელ მოუწოდეს ქუჩების ბლოკირება შეეჩერებინათ.
„დემონსტრანტებო, თქვენ უნდა დატოვოთ აქაურობა. ნებისმიერ პირს, რომელიც პროტესტს კანონის დარღვევით გააგრძელებს დაკავება ემუქრება“, -განაცხადა აქტივისტების დაკავებამდე ოტავას პოლიციის სამსახურმა.
უკვე რამდენიმე კვირაა ოტავაში წესრიგის აღდგენა ვერ ხერხდება. თავდაპირველად აქციების გამართვა კანადელმა ტრაილერის მძღოლებმა მას შემდეგ დაიწყეს, რაც ცნობილი გახდა, რომ აუცრელი მძღოლები საქმიანობის გაგრძელებას ვეღარ შეძლებდნენ. მოგვიანებით მათ ათასობით ადამიანი შეუერთდათ.