დავით ზალკალიანი - მიუნხენის კონფერენცია უკრაინის თემატიკას ეთმობა და ის ფაქტი, რომ ცალკე დისკუსია იმართება სამხრეთ კავკასიაზე, სადაც საქართველოს პოზიციები მნიშვნელოვანია, სერიოზული გზავნილია

მთელი საერთაშორისო საზოგადოება ამ წუთას ფოკუსირებულია უკრაინაზე და მიუნხენის კონფერენცია მთლიანად უკრაინის თემატიკას ეთმობა და ის ფაქტი, რომ ამ დროს ცალკე პანელი, დისკუსია იმართება სამხრეთ კავკასიის პრობლემატიკაზე, სადაც საქართველოს პოზიციები არის უაღრესად მნიშვნელოვანი ჩვენი პარტნიორებისთვის, ეს ძალიან სერიოზული გზავნილია ჩვენი პარტნიორების მხრიდან,- ამის შესახებ ვიცე-პრემიერმა, საქართველოს საგარეო საქმეთა მინისტრმა დავით ზალკალიანმა მიუნხენში, ჟურნალისტებთან საუბრისას განაცხადა.

მინისტრმა ისაუბრა საქართველოს პრემიერ-მინისტრის ირაკლი ღარიბაშვილის ინიციატივაზე, რომელიც პრემიერმა გაეროს გენერალური ასამბლეის ტრიბუნიდან წარმოადგინა და ასევე ყურადღება გაამახვილა მედიაციის პროცესზე, რომელიც განხორციელდა.

"ძალიან საინტერესო დისკუსია გაიმართა. იყო წარმომადგენლობითი პანელი, რომელშიც მონაწილეობა მიიღეს კოლეგებმა აზერბაიჯანიდან და სომხეთიდან, ასევე იყო ეუთოს გენერალური მდივანი და მსოფლიო ბანკის პრეზიდენტი, გერმანიის განვითარების სააგენტო.

მე ვისაუბრე საქართველოს პრემიერ-მინისტრის ინიციატივაზე, იმ ინიციატივაზე, რომელიც მან წარმოადგინა გაეროს გენერალური ასამბლეის ტრიბუნიდან და იმ მედიაციის პროცესზე, რომელიც განხორციელდა. ფაქტიურად, საქართველოს პრემიერ-მინისტრი იყო პირველი, ვინც დაიწყო ეს პროცესი გასული წლის ივნისში და ამას შემდგომ უკვე მოჰყვა შემდგომი ნაბიჯები. კერძოდ, ჩვენი ინიციატივა, რომელიც გულისხმობს სამხრეთ კავკასიის სამშვიდობო-სამეზობლო ინიციატივას, რომელიც არის შეთავაზება ჩვენი მეზობლებისთვის, რომ თბილისი იქცეს ერთგვარ პლატფორმად დიალოგისთვის, სადაც საუბარი იქნება კონკრეტულ პროექტებზე. ეს არის ასევე ერთ-ერთი ეკონომიკური კომპონენტის შემოტანა, რომელიც მიმზიდველს გახდის რეგიონს.

თუკი რეგიონში იმ ინიციატივების იმპლემენტაციის შედეგად, რეგიონის მიმზიდველობა, საქართველოს მიმზიდველობა, ფუნქცია გაიზრდება, ეს, რა თქმა უნდა, მნიშვნელოვანი შემაკავებელი ფაქტორი იქნება და აქ ჩვენ გვაქვს სრული მხარდაჭერა ჩვენი პარტნიორებისგან. დონორი ორგანიზაციები მზად არიან ფინანსური რესურსიც გაიღონ, იმისთვის, რომ კონკრეტული პროექტები განვითარდეს. ვფიქრობ, დღევანდელ ამ მძიმე სიტუაციის ფონის მიუხედავად , ჩვენი პარტნიორები ფიქრობენ საქართველოზე, ის რომ ჩვენ ვართ დღის წესრიგში, ეს არის სწორედ კარგი გზავნილი და იმის მაჩვენებელი, რომ ჩვენი ინიციატივები, საქართველოს პრემიერის და საქართველოს ხელისუფლების ინიციატივები არის მხარდაჭერილი",- განაცხადა ზალკალიანმა.

ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
ოთარ ჯანელიძე - რუსეთიდან შემომსვლელ მიგრანტებთან დაკავშირებით უნდა იგრძნობოდეს, რომ ვმოქმედებთ, როგორც სახელმწიფო
ქართული პრესის მიმოხილვა 28.09.2022
ევროპული უსაფრთხოების არქიტექტურა და საქართველოს ეროვნული ინტერესები
ტერაბანკისა და სააგენტოს „აწარმოე საქართველოში“ ხელშეწყობით, კახეთში სასტუმრო „ისევ ყვარელი“ განახლდა
სვისმედკომერსი - უმტკივენულო ანესთეზიის ტექნოლოგიის დანერგვა საქართველოს ბაზარზე
ლისის ტბაზე LISI VIBES გაიმართება
ლიბერთიმ მეთხილე ფერმერებისთვის ახალი აგროპროექტი დაიწყო
განახლებული ვაკის საცურაო აუზი ახალ სეზონს მასპინძლობს
ლიბერთის ახალი აქცია სამომხმარებლო სესხზე