ბევრის მთქმელია ფაქტი, როდესაც ავსტრიის ნაკრები შეჯიბრის შემდეგ ბაკურიანში რჩება სავარჯიშოდ, ძალიან კმაყოფილები ვართ არა მარტო ჩვენ, არამედ საერთაშორისო სათხილამურო ფედერაციაც - უმაღლესი შეფასება დავიმსახურეთ,- ამის შესახებ "ემ თი ეის" დირექტორმა, ირაკლი ჭირაქაძემ, ბაკურიანში მიმდინარე ევროპის თასზე საუბრისას განაცხადა.

ჭირაქაძის თქმით, ტრასა ევროპის თასის შეჯიბრისთვის ბრწყინვალედ იყო მომზადებული.

"ძალიან კმაყოფილები ვართ არა მარტო ჩვენ, არამედ საერთაშორისო სათხილამურო ფედერაციაც- უმაღლესი შეფასება დავიმსახურეთ. მარტო ის ფაქტი, რომ ავსტრიის ნაკრები შეჯიბრის შემდეგ ბაკურიანში რჩება სავარჯიშოდ ძალიან ბევრის მთქმელია. ტრასა ბრწყინვალედ იყო მომზადებული, რისთვისაც მადლობა მინდა გადავუხადო თანამშრომლებს. ახლა უკვე ვიწყებთ სამზადისს მარტის დასაწყისისთვის, მსოფლიო ჩემპიონატისთვის",- აღნიშნავს ჭირაქაძე.