ვლადიმერ ზელენსკი - ერთმა დაბომბვამ, ერთმა საარტილერიო გასროლამ შეიძლება მიგვიყვანოს ომამდე

უკრაინის პრეზიდენტ ვლადიმერ ზელენსკის განცხადებით, თუნდაც ერთმა დაბომბვამ ან საარტილერიო გასროლამ შეიძლება გამოიწვიოს სრულმასშტაბიანი ომი რუსეთთან.

უკრაინის პრეზიდენტმა აღნიშნა, რომ ყირიმსა და დონბასში დროებით ოკუპირებულ ტერიტორიებზე 30 000-დან 35 000-მდე რუსი ჯარისკაცია.

ზელენსკი შიშობს, რომ რუსეთის პროვოკაციებს შესაძლოა საომარი მოქმედებები მოჰყვეს.

"ასე რომ, პროვოკაციები მართლაც ძალიან საშიშია, თუ ამდენი ჯარი იქნება. ერთმა დაბომბვამ, ერთმა საარტილერიო გასროლამ შეიძლება გამოიწვიოს ომი", - განაცხადა ზელენსკიმ.

მისი თქმით, შეშფოთებას რუსეთთან სრულმასშტაბიანი ომის გაჩაღების საფრთხესთან დაკავშირებით უკრაინის მეზობელი ქვეყნებიც იზიარებენ.

"ჩვენ ვიცით საბჭოთა კავშირის ისტორია და მათ ესმით, რა რისკები გვაქვს. პოლონეთი, ბალტიისპირეთის ქვეყნები, ლიეტუვა და ესტონეთი, ლატვია, მოლდოვა - მათ იციან, რა შეიძლება გამოიწვიოს ამან. ამიტომ ჩვენ ძალიან ფრთხილად უნდა ვიყოთ", - დასძინა პრეზიდენტმა.

ზელენსკიმ აღნიშნა, რომ არსებული დაძაბულობა "ტრაგედიაა მათი ერისთვის, მათი ხალხისთვის".

„ეს ტრაგედიაა რუსებისთვისაც, რომლებსაც კარგი ურთიერთობა ჰქონდათ უკრაინასთან“, - დასძინა მან.

სტეპან გრიგორიანი - უახლოეს 2-3 თვეში არსებობს იმის შანსი, რომ თურქეთ-სომხეთის საზღვარი მესამე ქვეყნის მოქალაქეებისა და დიპლომატებისთვის გაიხსნას
ქართული პრესის მიმოხილვა 24.06.2024
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
კახა ოქრიაშვილი - საქართველოსთვის ევროკავშირის კანდიდატი ქვეყნის სტატუსი გაყინულია, რაც იმას ნიშნავს, რომ გაყინულია პერსპეტივა ქართველი მასწავლებლის საშუალო ხელფასი 4 500 ლარი გახდეს
კახა ოქრიაშვილი - 2016 წელს 2 მილიონი „ოცნებას“ გადავუხადე თუ პირადად ბატონ ივანიშვილს?