ორბელიანების სასახლეში საინფორმაციო სააგენტოებისა და საინფორმაციო პორტალებისათვის საქართველოს პრეზიდენტის ახალი ვებგვერდის პრეზენტაცია გაიმართა.
პრეზიდენტის ადმინისტრაციის ინფორმაციით, საქართველოს პრეზიდენტის ახალი ვებგვერდი ახალ მისამართზე www.president.ge - ზე განთავსდა.
"ინტერნეტმისამართის ცვლილება მოხდა საერთაშორისო პრაქტიკიდან გამომდინარე. ახალი ვებგვერდი პრეზიდენტის ადმინისტრაციის დაკვეთით შპს ,,პროსერვისმა" შექმნა და მასვე ევალება ერთწლიანი ტექნიკური მხარდაჭერის გაწევა.
საიტზე ინფორმაციის გაცნობა სამ ენაზე: ქართულ, ინგლისურ და აფხაზურზე იქნება შესაძლებელი.
ვებგვერდზე ასევე განთავსებულია საქართველოს პრეზიდენტების საარქივო მასალაც", - აღნიშნულია ინფორმაციაში.