ენტონი ბლინკენის განცხადებით, სერგეი ლავროვს შეხვდება "იმ პირობით, რომ რუსეთი არ შეიჭრება უკრაინაში"

აშშ-ის სახელმწიფო მდივანმა ენტონი ბლინკენმა CNN-ის ეთერში განაცხადა, რომ აპირებს ამ კვირაში რუსეთის საგარეო საქმეთა მინისტრ სერგეი ლავროვთან შეხვედრას, იმ პირობით, რომ რუსეთი უკრაინაში არ შეიჭრება.

„თუ [რუსეთი] არ შეიჭრება, მე იქ ვიქნები. იმედი მაქვს, ისიც იქ იქნება. ყველაფერს გავაკეთებ, რომ დავინახო, შეგვიძლია თუ არა რუსეთის მიერ შექმნილი კრიზისის დიპლომატიური გადაწყვეტა", - განაცხადა ბლინკენმა.

მან აღნიშნა, რომ შეერთებულმა შტატებმა „მაგიდაზე დადო მთელი რიგი იდეები, რომელთა განხორციელებაც შესაძლებელია, რაც გააძლიერებს უსაფრთხოებას“ რუსეთის, შეერთებული შტატებისა და დანარჩენი ევროპისთვის.

"ეს არის საუბარი, რომელსაც მივესალმები საგარეო საქმეთა მინისტრ ლავროვთან. ეს მთლიანად დამოკიდებულია იმაზე, შეიჭრება თუ არა რუსეთი", - განაცხადა ბლინკენმა.

ენტონი ბლინკენის თქმით, აშშ მზად არის, გააკეთოს ყველაფერი, რაც შეუძლია, რუსეთის მიერ უკრაინაში შეჭრის თავიდან ასაცილებლად.

ბლინკენმა გაიმეორა პრეზიდენტ ბაიდენის შეშფოთება იმის თაობაზე, რომ რუსეთმა უკვე დასახა შეჭრის გეგმები.

"როგორც აღვწერეთ, ყველაფერი, რასაც რეალურ შეჭრამდე მივყავართ, როგორც ჩანს, ხდება", - აღნიშნა მან და დასძინა: "ჩვენ გამოვიყენებთ ყველა შესაძლებლობას და ყოველ წუთს, რათა დავინახოთ, შეუძლია თუ არა დიპლომატიას შეაჩეროს პრეზიდენტი პუტინი წინსვლისგან".

ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს