ჯანდაცვის სამინისტროს ინფორმაციით, ე.წ. კოვიდ პასპორტების აპლიკაციების შექმნაში უწყებას თანხა არ გადაუხდია

ჯანდაცვის სამინისტროს ინფორმაციით, ე.წ. კოვიდ პასპორტების აპლიკაციების - Georgia e-Health-სა და Covid Pass Georgia-ს შექმნაში უწყებას თანხა არ გადაუხდია.

„ინტერპრესნიუსმა“ აღნიშნული აპლიკაციების შექმნასთან დაკავშირებული ინფორმაცია ჯანდაცვის სამინისტროდან გამოითხოვა. უწყების განმარტებით, მობილური აპლიკაციები Georgia e-Health და Covid Pass Georgia შიდა ადამიანური რესურსების გამოყენებით შეიქმნა, შესაბამისად, დამატებით ხარჯებთან არ ყოფილა დაკავშირებული.

„პანდემიის პერიოდში შექმნილი მობილური აპლიკაციები Georgia e-Health და Covid Pass Georgia შიდა ადამიანური რესურსების გამოყენებით შეიქმნა. აღნიშნული აპლიკაციის შექმნისთვის რაიმე სახის სახელმწიფო შესყიდვა არ განხორციელებულა“, - აცხადებენ სამინისტროში.

ცნობისთვის, ჯანდაცვის სამინისტრომ სპეციალური აპლიკაციები Georgia e-Health და Covid Pass Georgia შექმნა, რომლის მეშვეობითაც როგორც საქართველოს, ისე უცხო ქვეყნის მოქალაქის კოვიდსტატუსზე ინფორმაციის მიღებაა შესაძლებელი. 1-ელი დეკემბრიდან სხვადასხვა ობიექტში მოქალაქეები, რომლებიც ე.წ. მწვანე ბარათის მოთხოვნებს აკმაყოფილებდნენ, სწორედ ამ აპლიკაციების გამოყენებით შედიოდნენ. უწყებათაშორისი საბჭოს გადაწყვეტილებით კი საქართველოში ე.წ. მწვანე პასპორტის მოთხოვნის ვალდებულება 1-ელ თებერვალს გაუქმდა.

უკრაინაში შედგენილ სასანქციო სიაზე მომუშავე ჯგუფის წევრი სვეტლანა მუსიიაკა - სიაში დღეისთვის 19 ათასი ადამიანია, თუმცა ეს საწყისი ეტაპის სამუშაოა და სანქციებზე საბოლოო გადაწყვეტილება დამოკიდებული იქნება უსაფრთხოების საბჭოსა და შემდეგ უკვე პრეზიდენტზე
ქართული პრესის მიმოხილვა 29.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
„ფარმადეპოში“ თურქული მედიკამენტების ასორტიმენტი გაიზარდა
ბაზისბანკის მხარდაჭერით, ფონდ "ნატვრის ხის" საქველმოქმედო კონცერტი გაიმართა
VISA-ს და „ბიბლუსის“ ერთობლივი შეთავაზება მომხმარებელს - 30%-იანი ფასდაკლება სრულ ასორტიმენტზე
კომპანია FINA-ს წარმატების ისტორია - 11 წელი ბაზარზე
ტერაბანკისა და სააგენტოს „აწარმოე საქართველოში“ ხელშეწყობით, კახეთში სასტუმრო „ისევ ყვარელი“ განახლდა