ნინო ლომჯარია - ნინოწმინდის ბავშვთა პანსიონში 15-მდე აღსაზრდელია, რომელთაც პანსიონი წელს პირველად დატოვეს და მთაში დაისვენეს

სახალხო დამცველის, ნინო ლომჯარიას განცხადებით, ნინოწმინდის ბავშვთა პანსიონში დაახლოებით 15 აღსაზრდელია, რომელთაც პანსიონი წელს პირველად დატოვეს და მთაში დაისვენეს.

როგორც ლომჯარიამ აღნიშნა, სახალხო დამცველის საბოლოო მიზანი ისაა, რომ თითოეულმა აღსაზრდელმა ეს პანსიონი დატოვოს, ხოლო მანამდე ომბუდსმენის აპარატი იქ არსებულ ვითარებას რეგულარულად აკვირდება.

„დეკემბრის ბოლოს წარმოვადგინეთ ჩვენი ანგარიში ნინოწმინდის ბავშვთა პანსიონში არსებულ მდგომარეობასთან დაკავშირებით. ბოლოს დაახლოებით 15 აღსაზრდელი იყო. მას შემდეგ ვითარება არ შეცვლილა, თუმცა იქ არსებულ პროცესს ზედამხედველობას რეგულარულად ვუწევთ. ვიცით, რომ ზამთრის პერიოდში ბავშვები წაიყვანეს მთაში დასასვენებლად, რაც ამ ბავშვებისთვის პირველი შემთხვევაა - წლევანდელი წელი იყო პირველი, როდესაც მათ პანსიონი დატოვეს და მთაში გაატარეს დასვენების დღეები. ჩვენი რეკომენდაციაა, რომ თითოეულმა ბავშვმა დატოვოს სივრცე, სადაც მათ და მათი თანატოლების მიმართ ადგილი ჰქონდა არაადამიანურ, ღირსებისშემლახავ და წამებასთან გათანაბრებულ მოპყრობას. თუმცა, მესმის ისიც, რომ ბევრ სირთულესთანაა ეს დაკავშირებული, მათ შორის ბავშვების ფსიქოემოციურ მდგომარეობასთანაც. საბოლოო მიზანი ეს უნდა იყოს, ხოლო მანამდე თითოეული ბავშვის მდგომარეობას და იქ არსებულ სიტუაციას ინტენსიურად ვაკვირდებით”,- განაცხადა ნინო ლომჯარიამ.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს