რელიგიის საკითხთა სააგენტომ და საქართველოს ბაპტისტური ეკლესიების კავშირმა მორიგი ერთობლივი საქველმოქმედო აქცია გამართეს

რელიგიის საკითხთა სახელმწიფო სააგენტომ და საქართველოს ბაპტისტური ეკლესიების კავშირმა მორიგი ერთობლივი საქველმოქმედო აქცია გამართეს. ინფორმაციას ამის შესახებ რელიგიის სააგენტო ავრცელებს.

მათივე ცნობით, ამჯერად ჰუმანიტარული ტვირთი მათ წალკის ეპარქიის ტერიტორიაზე მცხოვრებლებს ჩაუტანეს.

სააგენტოს და ბაპტისტური ეკლესიების კავშირს მხარდაჭერისა და გაწეული დახმარებისთვის წალკის ეპისკოპოსმა, გრიგოლმა (კაცია) მადლობა გადაუხადა, რომელმაც აღნიშნა, რომ მსგავს დახმარებას წალკის ეპარქია პირველად არ იღებს. წალკელ ბავშვებს 150 სასაჩუქრე ყუთი და 30 სასკოლო ჩანთა გადაეცა, ხოლო 70 ყუთი ტანსაცმელი - ბავშვებს, ქალებსა და მამაკაცებს.

„საქველმოქმედო აქციაში მონაწილეობდნენ: საქართველოს ბაპტისტური ეკლესიების კავშირის აღმასრულებელი დირექტორი, ტარიელ პაპინაშვილი, ბაპტისტური ეკლესიების კავშირის სოციალური მსახურების კოორდინატორი, მარინა მაისაშვილი, სააგენტოს სტრატეგიული კვლევის, ანალიზისა და რეგიონების სამსახურის უფროსი, ნინო ჭავჭავაძე, სამსახურის სპეციალისტი, ნინო ასათიანი, სააგენტოს თანამშრომლები, ნათია გუდაძე და ოთარ ჭიკაძე.

საქველმოქმედო აქციები კვლავ გაგრძელდება,“ - აღნიშნულია ინფორმაციაში.

ოთარ ჯანელიძე - რუსეთიდან შემომსვლელ მიგრანტებთან დაკავშირებით უნდა იგრძნობოდეს, რომ ვმოქმედებთ, როგორც სახელმწიფო
ქართული პრესის მიმოხილვა 26.09.2022
დიტერ ბოდენი - ქართულ-აფხაზური ურთიერთობების მოწესრიგების პროცესში საქართველო უნდა იყოს ლიდერი, სამწუხაროდ, ამ ეტაპზე ქართული მხრიდან ამას ვერ ვხედავ
სვისმედკომერსი - უმტკივენულო ანესთეზიის ტექნოლოგიის დანერგვა საქართველოს ბაზარზე
ლისის ტბაზე LISI VIBES გაიმართება
ლიბერთიმ მეთხილე ფერმერებისთვის ახალი აგროპროექტი დაიწყო
განახლებული ვაკის საცურაო აუზი ახალ სეზონს მასპინძლობს
ლიბერთის ახალი აქცია სამომხმარებლო სესხზე