ის, რაც ბოლო 72 საათის განმავლობაში ვნახეთ თავდასხმების კუთხით, ძალადობრივი წინააღმდეგობის კუთხით, ნამდვილად შემაშფოთებელია, პასუხისმგებლობა რუსეთის მთავრობა ეკისრება, - ამის შესახებ გერმანიის საგარეო საქმეთა მინისტრმა ბრიუსელში, ევროკავშირის საგარეო საქმეთა მინისტრების შეხვედრამდე განაცხადა.

„სასწრაფოდ მოვუწოდებ რუსეთის მთავრობას: დაბრუნდით მოლაპარაკების მაგიდასთან. სასწრაფოდ მოვუწოდებ რუსეთის მთავრობას, რუსეთის პრეზიდენტს: ნუ ეთამაშებით ადამიანების სიცოცხლეს,“- აღნიშნა გერმანიის საგარეო უწყების ხელმძღვანელმა.

აღმოსავლეთ უკრაინაში, უკრაინის სამთავრობო ძალებსა და პრორუს სეპარატისტებს შორის გამყოფი ხაზის გასწვრივ რამდენიმე დღეა დაბომბვის ფაქტები გახშირდა. დასავლეთი შიშობს, რომ მოსკოვი ცდილობს, უკრაინაში შესაჭრელად საბაბი შექმნას.