სპორტული გაზეთი „ლელო" საფეხბურთო აკადემია „ვილეარეალი საქართველოს" მედია პარტნიორი იქნება

სპორტული გაზეთი „ლელო" საფეხბურთო აკადემია „ვილეარეალი საქართველოს" მედია პარტნიორი იქნება. მხარეებს შორის ურთიერთთანამშრომლობის მემორანდუმს ხელი დღეს მოეწერა.

„ვილეარეალი საქართველოში" აცხადებენ, რომ ახლად დაარსებულ საფეხბურთო აკადემიას, თითქმის საუკუნოვან და პოპულარულ გამოცემასთან პარტნიორობა, მომავალი პროექტების რეალიზაციაში დადებით გავლენას იქონიებს.

„მემორანდუმის გაფორმება ძალიან სასიამოვნო ფაქტია, ვინაიდან „ლელო" არის ძალიან წარმატებული და რეიტინგული გაზეთი და ჩვენც შესაბამისად, გადავწყვიტეთ, რომ მასთან დაგვეჭირა ურთიერთობა. რაც შეეხება „ვილეარეალის" აკადემიას - ძალიან სასიამოვნოა, რომ ქართულ რეალობაში უპრეცედენტო ფაქტი მოხდა. ჩვენ „ვილეარეალის" აკადემიის ოფიციალური წარმომადგენლები ვიქნებით და ჩვენი მთავარი მიზანი არის ის, რომ ქართველი ბავშვები კვალიფიციურ მწვრთნელებთან მოემზადონ და მათ ევროპულ გუნდებში გზა გავუხსნათ“, - განაცხადა „ვილეარეალი საქართველოს“ სპორტულმა დირექტორმა, გიორგი თავბერიძემ.

ურთიერთთანამშრომლობის მემორანდუმის შესახებ ისაუბრა „ლელოს“ მთავარმა რედაქტორმა, პაატა გელაშვილმა.

„ჩვენთვის დიდი პატივია, რომ ახალმა პარტნიორებმა აგვირჩია. ჩვენ მოხარულები ვიქნებით, რომ ასეთი მნიშვნელოვანი ამბები ჩვენს მკითხველს პირველად ჩვენ გავაგებინოთ, ჩვენ ვაცნობოთ იმ წარმატებების შესახებ, რომელიც, დარწმუნებული ვარ, ამ პროექტს ექნება. ჩვენ ფეხბურთის გულშემატკივრები ვართ და ქართველი ფეხბურთელების საერთაშორისო არენაზე გასვლას მოუთმენლად ველით“, - განაცხადა პაატა გელაშვილმა.

ირაკლი მელაშვილი - დასავლური კურსი დეკლარირებული გვაქვს, მაგრამ ხელისუფლებას მკაფიოდ აქვს გასაცემი პასუხი კითხვაზე - რატომ ამბობს საქართველო უარს დასავლეთის სამხედრო დახმარებაზე
ქართული პრესის მიმოხილვა 03.10.2022
ბორის სოკოლოვი - პუტინს ნებისმიერ ფასად უნდა ომში გამარჯვება, ამაზეა დამოკიდებული მისი პოლიტიკური მომავალი და ფიზიკურად გადარჩენაც, მაგრამ არ ვარ დარწმუნებული, რომ იგი მზადაა, გამოიყენოს თუნდაც ტაქტიკური ბირთვული იარაღი
ქართული ციფრული ბანკების გლობალური აღიარება
ვოლტი ზუგდიდშია