ოკუპირებული დონეცკისა და ლუგანსკის ე.წ. ლიდერები ვლადიმერ პუტინს აღიარებას სთხოვენ

უკრაინის ოკუპირებული რეგიონების დონეცკისა და ლუგანსკის ე.წ. ლიდერები , დენის პუშილინი და ლეონიდ პასეჩნიკი რუსეთის პრეზიდენტს, ვლადიმერ პუტინს „ე.წ. „დამოუკიდებლობის“ აღიარების თხოვნით მიმართავენ, - ინფორმაციას რუსული მედია ავრცელებს.

პუშილინის განცხადებით, უკრაინის ხელისუფლებამ გადაწყვიტა კონფლიქტის ძალისმიერი გადაწყვეტა. მან აღნიშნა, რომ „დონბასი მაღალ შეფასებას აძლევს მოსკოვის ძალისხმევას მინსკის შეთანხმებების მოლაპარაკებების პროცესში, მაგრამ შეთანხმებები ხელს არ უშლის კიევს, რომელიც სამხედრო მხარდაჭერას იღებს ვაშინგტონისგან, დადებული ზავი დაარღვიოს“.

“დონეცკის სახალხო რესპუბლიკის ხალხის სახელით, გთხოვთ, აღიაროთ დონეცკის სახალხო რესპუბლიკა დამოუკიდებელ, დემოკრატიულ, სამართლებრივ, სოციალურ სახელმწიფოდ“, - განაცხადა პუშილინმა.

ლეონიდ პასეჩნიკი კი ვლადიმერ პუტინს მიმართავს, „მშვიდობიანი მოსახლეობის მასობრივი დაღუპვის თავიდან ასაცილებლად“ ლუგანსკის ე.წ. „სუვერენიტეტი და დამოუკიდებლობა“ აღიაროს.

„ძვირფასო ვლადიმერ ვლადიმიროვიჩ, რესპუბლიკის მშვიდობიანი მოსახლეობის მასობრივი დაღუპვის თავიდან ასაცილებლად, რომელთაგან 300 000 რუსეთის მოქალაქეა, გთხოვთ, აღიაროთ ლუგანსკის სახალხო რესპუბლიკის სუვერენიტეტი და დამოუკიდებლობა“, - განაცხადა მან.

შეგახსენებთ, რამდენიმე დღის წინ რუსეთი დუმამ მხარი დაუჭირა რეზოლუციას, რომელიც ვლადიმერ პუტინს უკრაინის ოკუპირებული რეგიონების, დონეცკისა და ლუგანსკის ე.წ. „დამოუკიდებლობის“ აღიარებისკენ მოუწოდებს.

უკრაინაში შედგენილ სასანქციო სიაზე მომუშავე ჯგუფის წევრი სვეტლანა მუსიიაკა - სიაში დღეისთვის 19 ათასი ადამიანია, თუმცა ეს საწყისი ეტაპის სამუშაოა და სანქციებზე საბოლოო გადაწყვეტილება დამოკიდებული იქნება უსაფრთხოების საბჭოსა და შემდეგ უკვე პრეზიდენტზე
ქართული პრესის მიმოხილვა 30.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
ვებ-გვერდ ss.ge-ზე ვიზიტორთა რაოდენობა 60 000-მდე გაიზარდა, მათ შორის 30% უცხო ქვეყნის მოქალაქეა
WhiteBit კრიპტოვალუტის ბირჟაზე ხელმისაწვდომი გახდა დოლარისა და ევროს გატანა Visa/Mastercard-ზე, ისევე როგორც უკრაინული გრივნის გატანა IBAN საბანკო ანგარიშის ნომერზე
„ჰიუნდაი ავტო საქართველომ“ 25 წლის იუბილე აღნიშნა
უძრავი ქონების პლატფორმას - Georgia Real Estate ახალი გენერალური დირექტორი ჰყავს
ბაზისბანკი, ბიზნესის დაკრედიტების ზრდის ტემპით, პირველ ადგილზეა
PSP “ჯანმრთელობის პროგნოზი“ - ახალ კამპანიას იწყებს