ლატვიის საგარეო საქმეთა მინისტრი ედგარს რინკევიჩსი რუსეთის მიერ ე.წ დონეცკისა და ლუგანსკის „სახალხო რესპუბლიკების“ ე.წ. დამოუკიდებლობის აღიარებას ეხმაურება. მისი თქმით, აღნიშნული ფაქტი საერთაშორისო სამართლისა და უკრაინის ტერიტორიული მთლიანობის აშკარა დარღვევაა.

„ე.წ დონეცკისა და ლუგანსკის სახალხო რესპუბლიკების დამოუკიდებლობის აღიარება საერთაშორისო სამართლისა და უკრაინის ტერიტორიული მთლიანობის აშკარა დარღვევაა. ლატვია გმობს აგრესიის ამ აქტს და მსოფლიოს მტკიცე საერთაშორისო რეაგირებისკენ მოუწოდებს. ევროკავშირმა სასწრაფოდ უნდა დააწესოს სანქციები“, - წერს ლატვიის საგარეო საქმეთა მინისტრი "ტვიტერზე".