ლიეტუვას პრეზიდენტი - რუსეთის მიერ დონეცკისა და ლუგანსკის სეპარატისტული „რესპუბლიკების“ აღიარება საერთაშორისო სამართლის დაუშვებელი დარღვევაა
ლიეტუვას პრეზიდენტი გიტანას ნაუსედა რუსეთის მიერ ე.წ დონეცკისა და ლუგანსკის სახალხო რესპუბლიკების დამოუკიდებლობის აღიარებას ეხმაურება.
"რუსეთის მიერ დონეცკისა და ლუგანსკის სეპარატისტული „რესპუბლიკების“ აღიარება საერთაშორისო სამართლის დაუშვებელი დარღვევაა. ეს ასევე ნიშნავს მინსკის შეთანხმებებიდან ცალმხრივ გამოსვლას. ლიეტუვის უკრაინის სუვერენიტეტისა და ტერიტორიული მთლიანობის მიმართ მხარდაჭერა ურყევია“, - დაწერა ლიეტუვის პრეზიდენტმა, გიტანას ნაუსედამ "ტვიტერზე".
