დუმის ყველა დეპუტატი, ვინც მხარი დაუჭირა დონეცკისა და ლუგანსკის დამოუკიდებლობის აღიარებას, შავ სიაში უნდა მოხვდეს, - ამის შესახებ ესტონეთის ყოფილი პრეზიდენტი ტომას ჰენდრიკ ილვესი „ტვიტერის“ გვერდზე წერს.
მისი თქმით, რუსეთის პარლამენტის წევრებს, ვინც მხარი დაუჭირა დონეცკისა და ლუგანსკის დამოუკიდებლობას, ასევე უნდა შეეზღუდოთ ევროკავშირისა და ნატოს ტერიტორიაზე შესვლა.
„მათ უნდა გაუუქმდეთ ნატოსა და ევროკავშირის ტერიტორიაზე შესასვლელი ვიზა. მხოლოდ ისინი, ვინც ხმა არ მისცეს დონეცკისა და ლუგანსკის დამოუკიდებლობას, უნდა იქნენ დაშვებულნი დასავლეთში,“- განაცხადა ესტონეთის პრეზიდენტმა.