სამხრეთ კორეის პრეზიდენტის მუნ ჯე ინის განცხადებით, უკრაინის სუვერენიტეტს პატივი უნდა სცენ. ამის შესახებ მან გაეროს უშიშროების საბჭოს საგანგებო სხდომაზე განაცხადა.

„უკრაინის სუვერენიტეტისა და ტერიტორიული მთლიანობის პატივისცემაა საჭირო და დიალოგის გზით მშვიდობიანი გამოსავლის პოვნა უნდა მოხდეს. არასოდეს არის სასურველი, რომ უკრაინაში ვითარება შეიარაღებულ კონფლიქტში გადაიზარდოს. ეს დიდ პოლიტიკურ და ეკონომიკურ გავლენას მოახდენს არა მხოლოდ ევროპაში, არამედ მთელ მსოფლიოში“, - აღნიშა მუნ ჯე ინმა.

მან მოუწოდა მსოფლიოს ლიდერებს ერთად იმუშაონ უკრაინის კრიზისის სწრაფად და მშვიდობიანად მოსაგვარებლად და აღნიშნა, რომ სამხრეთ კორეა აქტიურად მიიღებს მონაწილეობას ამ ძალისხმევაში. მან ასევე მოუწოდა უკრაინაში კორეის მოქალაქეებს ევაკუაციისკენ.

დღეს გამართულ ბრიფინგზე ეროვნული თავდაცვის სამინისტროს პრესსპიკერმა განაცხადა, რომ სამხრეთ კორეის მთავრობას ჯერ არ მიუღია რაიმე მოთხოვნა სამხედრო მხარდაჭერის შესახებ შეერთებული შტატებისგან.

„სამინისტრო ინარჩუნებს მჭიდრო კოორდინაციას დაკავშირებულ უწყებებს შორის უკრაინაში მოვლენების განვითარებასთან ერთად მონიტორინგის პროცესში და აგრძელებს თანამშრომლობის შენარჩუნებას ქვეყნებთან ინფორმაციის გაზიარებით“, - აღნიშნულია განცხადებაში.