საბერძნეთის საგარეო უწყება - რუსეთის მიერ დონეცკისა და ლუგანსკის „დამოუკიდებლობის“ უკანონო და ცალმხრივი აღიარება საერთაშორისო სამართლის ფუნდამენტური პრინციპების აშკარა დარღვევაა

საბერძნეთის საგარეო საქმეთა სამინისტრო რუსეთის მიერ დონეცკისა და ლუგანსკის რეგიონების ე.წ. „დამოუკიდებლობის“ აღიარებას საერთაშორისო სამართლის ფუნდამენტური პრინციპების, უკრაინის ტერიტორიული მთლიანობისა და მინსკის შეთანხმებების დარღვევად აფასებს, - მედიის ინფორმაციით, ამის შესახებ უწყების მიერ გავრცელებულ განცხადებაშია აღნიშნული.

„რუსეთის მიერ დონეცკისა და ლუგანსკის სეპარატისტული ტერიტორიების „დამოუკიდებლობის“ უკანონო და ცალმხრივი აღიარება საერთაშორისო სამართლის ფუნდამენტური პრინციპების, უკრაინის ტერიტორიული მთლიანობისა და მინსკის შეთანხმებების აშკარა დარღვევაა“, - ნათქვამია განცხადებაში.

საბერძნეთის საგარეო უწყების განმარტებით, ისინი გმობენ ნებისმიერ გადაწყვეტილებას, რომელიც ეწინააღმდეგება საერთაშორისო სამართლის ფუნდამენტურ პრინციპებს.

„ჩვენ არაერთხელ აღვნიშნეთ, რომ საბერძნეთი მხარს უჭერს ყველა სახელმწიფოს ტერიტორიული მთლიანობის, სუვერენიტეტისა და დამოუკიდებლობის პატივისცემას და გმობს ნებისმიერ გადაწყვეტილებას, რომელიც ეწინააღმდეგება საერთაშორისო სამართლის ამ ფუნდამენტურ პრინციპებს. ევროკავშირისა და ნატოს წინაშე ვალდებულებების ფარგლებში, ამ გადაწყვეტილებაზე რეაგირებასთან დაკავშირებით საბერძნეთი საკუთარი ქმედებების კოორდინირებას ევროპელ პარტნიორებთან და მოკავშირეებთან განახორციელებს,“- აცხადებენ უწყებაში.

უკრაინაში შედგენილ სასანქციო სიაზე მომუშავე ჯგუფის წევრი სვეტლანა მუსიიაკა - სიაში დღეისთვის 19 ათასი ადამიანია, თუმცა ეს საწყისი ეტაპის სამუშაოა და სანქციებზე საბოლოო გადაწყვეტილება დამოკიდებული იქნება უსაფრთხოების საბჭოსა და შემდეგ უკვე პრეზიდენტზე
ქართული პრესის მიმოხილვა 30.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
ვებ-გვერდ ss.ge-ზე ვიზიტორთა რაოდენობა 60 000-მდე გაიზარდა, მათ შორის 30% უცხო ქვეყნის მოქალაქეა
WhiteBit კრიპტოვალუტის ბირჟაზე ხელმისაწვდომი გახდა დოლარისა და ევროს გატანა Visa/Mastercard-ზე, ისევე როგორც უკრაინული გრივნის გატანა IBAN საბანკო ანგარიშის ნომერზე
„ჰიუნდაი ავტო საქართველომ“ 25 წლის იუბილე აღნიშნა
უძრავი ქონების პლატფორმას - Georgia Real Estate ახალი გენერალური დირექტორი ჰყავს
ბაზისბანკი, ბიზნესის დაკრედიტების ზრდის ტემპით, პირველ ადგილზეა
PSP “ჯანმრთელობის პროგნოზი“ - ახალ კამპანიას იწყებს