რუსეთის მიერ დონეცკისა და ლუგანსკის „სახალხო რესპუბლიკების“ ე.წ. დამოუკიდებლობის აღიარებას ჩინეთის საგარეო საქმეთა სამინისტრო ეხმაურება. ოფიციალური პეკინი მხარეებს მშვიდობიანი მოლაპარაკებებისკენ მოუწოდებს.
„ჩინეთის საგარეო საქმეთა სამინისტროს სპიკერმა დღეს განაცხადა, რომ პეკინი მოუწოდებს ყველა მხარეს გამოიჩინონ თავშეკავება, აღიარონ უსაფრთხოების განუყოფელი პრინციპის მნიშვნელობა, დეესკალაცია და კონფლიქტის მშვიდობიანი მოლაპარაკებების გზით მოგვარება. ნებისმიერი ქვეყნის უსაფრთხოების ლეგიტიმური საზრუნავი უნდა იყოს დაცული. გაეროს წესდების მიზნები და პრინციპები დაცული უნდა იყოს", - განაცხადა ჩინეთის სახალხო რესპუბლიკის საგარეო საქმეთა სამინისტროს საინფორმაციო დეპარტამენტის დირექტორის მოადგილემ ჟაო ლიჟენმა.