რუსეთის ფედერაციის პრეზიდენტის პრესსპიკერის, დიმიტრი პესკოვის განცხადებით, ე.წ. „დონეცკისა და ლუგანსკის სახალხო რესპუბლიკებში“ რუსული სამშვიდობო ძალების ღამით შეყვანის შესახებ არაფერი იცის და შესაბამისად, ამ ინფორმაციას ვერ დაადასტურებს.
„არა, ამ ინფორმაციას ვერ დავადასტურებ, ამის შესახებ არაფერი ვიცი“, – აღნიშნა პესკოვმა.
მისი თქმით, ე.წ. „დონეცკისა და ლუგანსკის სახალხო რესპუბლიკებში“ რუსი ჯარისკაცების გაგზავნის შესახებ გადაწყვეტილებას სიტუაციიდან გამომდინარე და რესპუბლიკების მეთაურების მიმართვის შემთხვევაში მიიღებენ.
„ამ გადაწყვეტილების მიღება სიტუაციის განვითარებიდან და ამ რესპუბლიკების მეთაურების მომართვებიდან გამომდინარე მოხდება. კიდევ ერთხელ ვიმეორებ: მთავარი მიზანი არის ადამიანების სიცოცხლის გადარჩენა და დონეცკისა და ლუგანსკის სახალხო რესპუბლიკების მოსახლეობის უსაფრთხოების უზრუნველყოფა,“- განაცხადა პესკოვმა.