ზაზა ვაშაყმაძე საბერძნეთის რესპუბლიკის საგანგებო და სრულუფლებიან ელჩს შეხვდა

საქართველოს მთავრობის ადმინისტრაციაში, რელიგიის საკითხთა სახელმწიფო სააგენტოს თავმჯდომარე, ზაზა ვაშაყმაძე საბერძნეთის რესპუბლიკის საგანგებო და სრულუფლებიან ელჩს საქართველოში, მარია თეოდორუს შეხვდა.

რელიგიის საკითხთა სახელმწიფო სააგენტოს ინფორმაციით, შეხვედრა გაცნობით ხასიათს ატარებდა. სააგენტოს ინფორმაციით, ელჩი დაინტერესდა საქართველოს სახელმწიფოს რელიგიური პოლიტიკით და სააგენტოს მიერ განხორციელებული პროექტებით.

„სააგენტოს თავმჯდომარემ სტუმარს გააცნო რელიგიის სააგენტოს აქტივობა ქვეყანაში შემწყნარებლური გარემოს განმტკიცების მიზნით. კერძოდ: ინტერრელიგიური კონფერენციები, ინტერრელიგიური კალენდარი, ინტერრელიგიური სათათბიროს საქმიანობა, „სახელმწიფო ენა სასულიერო პირებისათვის“ ფარგლებში რელიგიური უმცირესობების სასულიერო პირებისათვის ქართული ენის სწავლება და სხვა. ზაზა ვაშაყმაძემ ისაუბრა ქართული ისლამის უნიკალურ ხასიათზე და ხაზი გაუსვა, რომ მსოფლიოში რელიგიური ნიშნით დაპირისპირებების ფონზე, ქართველი მუსლიმები - შიიტები და სუნიტები, ერთ მეჩეთში ლოცულობენ. სააგენტოს თავმჯდომარე, ასევე, შეეხო აფხაზეთისა და ცხინვალის ოკუპირებულ ტერიტორიებზე მართლმადიდებელთა რელიგიური უფლებების დარღვევის ტენდენციას.

შეხვედრის დასასრულს, მარია თეოდორუმ მადლობა გადაუხადა სააგენტოს თავმჯდომარეს და გამოთქვა თანამშრომლობის გაგრძელების სურვილი“,- აღნიშნულია ინფორმაციაში.

უკრაინაში შედგენილ სასანქციო სიაზე მომუშავე ჯგუფის წევრი სვეტლანა მუსიიაკა - სიაში დღეისთვის 19 ათასი ადამიანია, თუმცა ეს საწყისი ეტაპის სამუშაოა და სანქციებზე საბოლოო გადაწყვეტილება დამოკიდებული იქნება უსაფრთხოების საბჭოსა და შემდეგ უკვე პრეზიდენტზე
ქართული პრესის მიმოხილვა 29.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
„ფარმადეპოში“ თურქული მედიკამენტების ასორტიმენტი გაიზარდა
ბაზისბანკის მხარდაჭერით, ფონდ "ნატვრის ხის" საქველმოქმედო კონცერტი გაიმართა
VISA-ს და „ბიბლუსის“ ერთობლივი შეთავაზება მომხმარებელს - 30%-იანი ფასდაკლება სრულ ასორტიმენტზე
კომპანია FINA-ს წარმატების ისტორია - 11 წელი ბაზარზე
ტერაბანკისა და სააგენტოს „აწარმოე საქართველოში“ ხელშეწყობით, კახეთში სასტუმრო „ისევ ყვარელი“ განახლდა