კანადიდან უკრაინაში ლეტალური იარაღის მეორე პარტია ჩავიდა. ინფორმაციას უკრაინული მედია ავრცელებს.

“დღეს ჩვენმა კანადურმა შეიარაღებულმა ძალებმა უკრაინას ლეტალური სამხედრო დახმარების მეორე პარტია მიაწოდეს.

რუსეთის ეს ახალი შეჭრა აბსოლუტურად მიუღებელია და ჩვენ მხარს დავუჭერთ უკრაინას, რამდენადაც ქვეყანა იცავს მის სუვერენიტეტსა და დამოუკიდებლობას”, - წერს კანადის თავდაცვის მინისტრი ანიტა ანანდი საკუთარ “ტვიტერ” გვერდზე.

19 თებერვალს ლვოვში ჩავიდა კანადის სამეფო საჰაერო ძალების სამხედრო-სატრანსპორტო თვითმფრინავი C-17, რომელმაც სამხედრო დახმარება გაუწია უკრაინის შეიარაღებულ ძალებს. გაიგზავნა ასევე სნაიპერული თოფები და ტყვიამფრქვევები.