დიღმის ჭალებში ქვა-ღორღის მოპოვება იყო უკანონო და ამაზე განცხადებაც გაკეთდა, - ამის შესახებ ჟურნალისტებთან თბილისის მერმა, კახა კალაძემ განაცხადა.

კალაძის თქმით, დიღმის ჭალების ტერიტორიაზე რეკრეაციული ზონის მოწყობა იგეგმება.

მისი თქმით, აღნიშნული ტერიტორიის მოწყობა დაფინანსების მიღების შემდეგ დაიწყება.

„ეს იყო უკანონო, ამასთან დაკავშირებით განცხადებებიც გაკეთდა. რაც შეეხება დიღმის ჭალების ტერიტორიას, აქ მოეწყობა რეკრეაციული სივრცე, აშენდება პარკი, ამასთან დაკავშირებით პროექტი დამზადებულია და როდესაც დაფინანსებას მოვიპოვებთ საერთაშორისო საფინანსო ორგანიზაციებიდან, კიდევ ერთი, ძალიან დიდი რეკრეაციული სივრცე შეემატება დიღმის ჭალების სახით დედაქალაქს“, - აღნიშნა კალაძემ.