ლევან დავითაშვილმა მსხვილი ტექნოლოგიური და ინოვაციური კორპორაციის BYD წარმომადგენლებს საქართველოს საინვესტიციო პოტენციალი გააცნო

ვიცე-პრემიერი, ეკონომიკისა და მდგრადი განვითარების მინისტრი ლევან დავითაშვილი მსხვილი ტექნოლოგიური და ინოვაციური კორპორაციის BYD - ის ევროპის ოფისის აღმასრულებელ დირექტორს ისბრანდ ჰოს და მის თანმხლებ პირებს შეხვდა. ამის შესახებ ინფორმაციას ეკონომიკის სამინისტრო ავრცელებს.

შეხვედრაში ასევე მონაწილეობდნენ ეკონომიკის მინისტრის მოადგილეები - ირაკლი ნადარეიშვილი და გურამ გურამიშვილი.

უწყების ცნობით, შეხვედრაზე აღინიშნა, კორპორაცია BYD , რომელიც მსოფლიოში ელექტრო ავტომობილების, ავტობუსებისა და ელექტრობატარეების ერთ-ერთი მსხვილი მწარმოებელია, რეგიონში გაფართოებას გეგმავს და ბიზნესის განვითარების ერთ-ერთ ლოკაციად საქართველოს განიხილავს.

ვიცე-პრემიერმა ლევან დავითაშვილმა პოტენციურ ინვესტორებს საქართველოს საინვესტიციო კლიმატისა და ლიბერალური ბიზნესგარემოს შესახებ დეტალური ინფორმაცია მიაწოდა.

მან ასევე აქცენტი გააკეთა საქართველოში ბიზნესის მხარდაჭერის სამთავრობო პროგრამებზე და აღნიშნა, რომ მსხვილი ინსტიტუციური ინვესტორებისთვის ქვეყანაში წარმატებით ფუნქციონირებს მხარდაჭერისა და განვითარების სამთავრობო პროგრამები.

„BYD - ის წარმომადგენლები ასევე დაინტერესდნენ საქართველოს თავისუფალი ვაჭრობის რეჟიმებით, განსაკუთრებით, ევროკავშირთან მიმართებაში.

შეხვედრის დასასრულს მხარეები შეთანხმდნენ, რომ გაგრძელდება მუშაობა კორპორაცია BYD - თან შემდგომი თანამშრომლობის განვითარების მიზნით“,- ნათქვამია ინფორმაციაში.

უკრაინაში შედგენილ სასანქციო სიაზე მომუშავე ჯგუფის წევრი სვეტლანა მუსიიაკა - სიაში დღეისთვის 19 ათასი ადამიანია, თუმცა ეს საწყისი ეტაპის სამუშაოა და სანქციებზე საბოლოო გადაწყვეტილება დამოკიდებული იქნება უსაფრთხოების საბჭოსა და შემდეგ უკვე პრეზიდენტზე
ქართული პრესის მიმოხილვა 29.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
„ფარმადეპოში“ თურქული მედიკამენტების ასორტიმენტი გაიზარდა
ბაზისბანკის მხარდაჭერით, ფონდ "ნატვრის ხის" საქველმოქმედო კონცერტი გაიმართა
VISA-ს და „ბიბლუსის“ ერთობლივი შეთავაზება მომხმარებელს - 30%-იანი ფასდაკლება სრულ ასორტიმენტზე
კომპანია FINA-ს წარმატების ისტორია - 11 წელი ბაზარზე
ტერაბანკისა და სააგენტოს „აწარმოე საქართველოში“ ხელშეწყობით, კახეთში სასტუმრო „ისევ ყვარელი“ განახლდა