აფხაზეთიდან იძულებით გადაადგილებულ პირთა-დევნილთა სამინისტროს ორგანიზებით სენაკში, ფოთსა და ზუგდიდში მცხოვრებ აფხაზეთიდან დევნილ 170-მდე ბავშვს საჩუქრები გადაეცა.

აფხაზეთის ავტონომიური რესპუბლიკის მტავრობის ინფორმაციით, მოზარდებს საჩუქრები აფხაზეთის ავტონომიური რესპუბლიკის მთავრობის თავმჯდომარის მოადგილე ანზორ მარგიანმა, აფხაზეთიდან იძულებით გადაადგილებულ პირთა - დევნილთა მინისტრმა დავით ფაცაციამ და მინისტრის პირველმა მოადგილემ გურამ მისაბიშვილმა გადასცეს.

ღონისძიება „ადამიანის უფლებათა დაცვის საერთაშორისო კომისიის“ (IHRC) მხარდაჭერით განხორციელდა. აფხაზეთის დევნილთა სამინისტროს ორგანიზებით მსგავსი ღონისძიებები საქართველოს რეგიონებში მომავალშიც გაგრძელდება.