ოლაფ შოლცმა ვლადიმერ ზელენსკისთან საუბარში განაცხადა, რომ „გერმანია უკრაინის მიმართ სოლიდარულია“
გერმანიის კანცლერმა ოლაფ შოლცმა და უკრაინის პრეზიდენტმა ვლადიმერ ზელენსკიმ ტელეფონით ისაუბრეს, - ინფორმაციას მედია საშუალებები გერმანიის მთავრობის პრესსამსახურზე დაყრდნობით ავრცელებენ.
„კანცლერმა ოლაფ შოლცმა დაურეკა უკრაინის პრეზიდენტს, ვლადიმერ ზელენსკის და დაარწმუნა, რომ ამ რთულ დროს გერმანია უკრაინის მიმართ სოლიდარულია,“- აცხადებენ პრესსამსახურში.
შეგახსენებთ, რუსეთის პრეზიდენტის, ვლადიმერ პუტინის გადაწყვეტილებით, დონბასში „სპეციალური სამხედრო ოპერაცია“ დაიწყო. ვლადიმერ ზელენსკიმ მთელი ქვეყნის ტერიტორიაზე საომარი მდგომარეობა გამოაცხადა.
