ოდესის ოლქში სამხედრო ნაწილზე რუსეთის სამხედრო დარტყმების შედეგად, სოფელ ლიპეცკოეში 18 ადამიანი გარდაიცვალა. ამის შესახებ „უკრაინსკაია პრავდა“ ოდესის ოლქის გუბერნიაზე დაყრდნობით იუწყება.
ოდესის ოლქში, უკრაინის საგანგებო სიტუაციათა სახელმწიფო სამსახურის ინფორმაციით, ადგილობრივი დროით, 11:00 საათის მონაცემებით, ნანგრევებიდან 6 ადამიანის ცოცხლად ამოყვანა გახდა შესაძლებელი. მათი ჰოსპიტალიზაცია უკვე განხორციელდა. ნანგრევებიდან ამოყვანილი ერთ-ერთი გადარჩენილი საავადმყოფოში გარდაიცვალა.
გამოცემის ინფორმაციით, დაღუპულთაგან 10 ქალია, 8 მამაკაცი. ამ დროისთვის ნანგრევების გასუფთავება მიმდინარეობს.