„ლელოს“ ლიდერი მამუკა ხაზარაძე პარლამენტის რიგგარეშე სხდომის მოწვევაზე პრეზიდენტის ინიციატივას მიესალმება და აცხადებს, რომ ახლა ერთობის დროა. ამის შესახებ ხაზარაძე სოციალურ ქსელში წერს.
„მივესალმები პრეზიდენტის ინიციატივას პარლამენტის საგანგებო სხდომის მოწვევასთან დაკავშირებით.
ახლა ერთობის დროა, ახლა ეროვნული ინტერესები ყველა პარტიაზე მაღლა დგას!
შევიკრიბოთ და ვაჩვენოთ, რომ ქართველ ხალხს შეგვიძლია ერთად დგომა ქვეყნისთვის და მეგობრებისთვის“,- წერს მამუკა ხაზარაძე.
საქართველოს პრეზიდენტი სალომე ზურაბიშვილი რიგგარეშე სხდომის ჩატარებაზე თხოვნას ხელს მოაწერს.
ამის შესახებ ზურაბიშვილმა პრეზიდენტის ადმინისტრაციაში ბრიფინგზე განაცხადა და აღნიშნა, რომ საქართველო მუდამ მშვიდობიანი გზის მცდელობის მხარეზე იქნება.