პროფკავშირები უკრაინაში მიმდინარე მოვლენებს გმობს

როგორც აღმოჩნდა, საერთაშორისო თანამეგობრობის შეშფოთება ამ ტიპის აგრესიას ვერ აჩერებს, ამიტომ ყველაზე ქმედითი ნაბიჯი ამ ეტაპზე, შესაძლოა სწორედ რუსი მოქალაქეების მხრიდან სწორი პოზიციის გამოხატვა იყოს, - ამის შესახებ საქართველოს პროფესიული კავშირების გაერთიანების თავმჯდომარე ირაკლი პეტრიაშვილმა განაცხადა.

ირაკლი პეტრიაშვილი უკრაინაში შექმნილ რთულ ვითარებას იზიარებს და აცხადებს, რომ რთულია იმ აგრესიასთან გამკლავება, რაც საქართველომ ჯერ კიდევ 2008 წელს განიცადა.

„როგორც აღმოჩნდა, საერთაშორისო თანამეგობრობის შეშფოთება ამ ტიპის აგრესიას ვერ აჩერებს, ამიტომ ყველაზე ქმედითი ნაბიჯი ამ ეტაპზე, შესაძლოა სწორედ რუსი მოქალაქეების მხრიდან სწორი პოზიციის გამოხატვა იყოს. არ შეიძლება, 30-იანი წლების რიტორიკა და ღირებულებები ადამიანების სიცოცხლეზე მაღლა დადგეს. ეჭვგარეშეა, მიმდინარე მოვლენები ცივილიზებულ და განათლებულ რუს მოქალაქეებზე გრძელვადიან პერსპექტივაში, აუცილებლად უარყოფითად აისახება“, - აცხადებს ირაკლი პეტრიაშვილი.

საქართველოს პროფესიული კავშირების გაერთიანების ცნობით, მეზობელ ქვეყანაში შექმნილი ვითარების გათვალისწინებით, უკრაინული პროფკავშირების ხელმძღვანელ პირებსა და საქართველოს პროფკავშირების გაერთიანების ხელმძღვანელს შორის კომუნიკაცია შედგა. მხარდაჭერის ფარგლებში, საქართველოს პროფკავშირების გაერთიანება მზად არის, უკრაინიდან ჩამოსული მოქალაქეები ოჯახის წევრებთან ერთად, საცხოვრებელი ფართითა და დამატებითი პირობებით უზრუნველყოს.

უკრაინაში შედგენილ სასანქციო სიაზე მომუშავე ჯგუფის წევრი სვეტლანა მუსიიაკა - სიაში დღეისთვის 19 ათასი ადამიანია, თუმცა ეს საწყისი ეტაპის სამუშაოა და სანქციებზე საბოლოო გადაწყვეტილება დამოკიდებული იქნება უსაფრთხოების საბჭოსა და შემდეგ უკვე პრეზიდენტზე
ქართული პრესის მიმოხილვა 29.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
„ფარმადეპოში“ თურქული მედიკამენტების ასორტიმენტი გაიზარდა
ბაზისბანკის მხარდაჭერით, ფონდ "ნატვრის ხის" საქველმოქმედო კონცერტი გაიმართა
VISA-ს და „ბიბლუსის“ ერთობლივი შეთავაზება მომხმარებელს - 30%-იანი ფასდაკლება სრულ ასორტიმენტზე
კომპანია FINA-ს წარმატების ისტორია - 11 წელი ბაზარზე
ტერაბანკისა და სააგენტოს „აწარმოე საქართველოში“ ხელშეწყობით, კახეთში სასტუმრო „ისევ ყვარელი“ განახლდა