იენს სტოლტენბერგი - გავაკეთებთ ყველაფერს, რაც აუცილებელია მოკავშირეების აგრესიისგან დასაცავად - მოვიწვიე ნატოს ლიდერების ვირტუალური სამიტი, შემდგომი ნაბიჯების განსახილველად

არ უნდა იყოს სივრცე გაუგებრობისა და არასწორი გათვლებისთვის - თავდასხმა ერთზე განხილული იქნება, როგორც თავდასხმა ყველაზე, ეს არის ჩვენი კოლექტიური უსაფრთხოების გარანტია , - ამის შესახებ ნატოს გენერალურმა მდივანმა იენს სტოლტენბერგმა ბრიფინგზე განაცხადა.

მისი თქმით, ჩრდილოატლანტიკურმა საბჭომ მისი თავდაცვის გეგმის ამოქმედების გადაწყვეტილება მიიღო.

სტოლტენბერგმა ხვალისთვის ნატოს ლიდერების ვირტუალური სამიტიც მოიწვია.

„რუსეთი იყენებს ძალას და ცდილობს ისტორიის გადაწერას. ის უარყოფს უკრაინის დამოუკიდებელ და თავისუფალ არჩევანს. ნატოს ძირითადი ამოცანა არის მოკავშირეების დაცვა. არ უნდა იყოს სივრცე გაუგებრობისა და არასწორი გათვლებისთვის - თავდასხმა ერთზე განხილული იქნება, როგორც თავდასხმა ყველაზე, ეს არის ჩვენი კოლექტიური უსაფრთხოების გარანტია. დღეს ჩრდილოატლანტიკურმა საბჭომ გადაწყვიტა მისი თავდაცვის გეგმის ამოქმედება, ეს არის თავდაცვითი ნაბიჯი, რათა დავიცვათ მოკავშირე ერები ამ კრიზისი განმავლობაში და ეს საშუალებას მოგვცემს გავგზავნოთ სამხედრო ძალები იქ, სადაც მათი საჭიროება იქნება. რუსეთის სამხედრო წარმომადგენლობის მასშტაბური ზრდის საპასუხოდ, ჩვენ უკვე გავაძლიერეთ ჩვენი კოლექტიური უსაფრთხოება ხმელეთზე, ზღვასა და საჰაერო სივრცეში. უკანასკნელი კვირების განმავლობაში ალიანსის მოკავშირეებმა ჩრდილოეთ ამერიკიდან და ევროპიდან გაგზავნეს ათასობით სამხედრო ალიანსის აღმოსავლეთ ნაწილში. ჩვენ გვყავს 100-ზე მეტი სამხედრო თვითმფრინავი საგანგებო მზადყოფნაში, ჩვენი საჰაერო სივრცის დასაცავად და გვყავს 120-ზე მეტი გემი ასევე მზადყოფნაში ზღვაში. ეს ყველაფერი აჩვენებს ჩვენს მიერ კოლექტიური უსაფრთხოების ვალდებულების შესრულებას. ჩვენ გავაკეთებთ ყველაფერს, რაც აუცილებელია მოკავშირეების აგრესიისგან დასაცავად. მე მოვიწვიე ნატოს ლიდერების ვირტუალური სამიტი ხვალ, შემდგომი ნაბიჯების განსახილველად“, -განაცხადა სტოლტენბერგმა.

თენგიზ ცერცვაძე - შეგვიძლია დაგიდასტუროთ, რომ დღეს საქართველოში მოსახლეობის COVID უსაფრთხოება საიმედოდ არის დაცული და პანდემია არ ახდენს ნეგატიურ გავლენას ცხოვრების ხარისხზე
კორნელი კაკაჩია - ამერიკელი ანალიტიკოსების აზრით, „საქართველო არის ქვეყანა, რომელმაც დაკარგა სტრატეგიული კომპასი“ და „ახლა ძრავაგაჩერებულ მანქანას ჰგავს, რომელიც ინერციით მოძრაობს“
არჩილ მორჩილაძე - ჯანმრთელობის დაზღვევის სფეროში სახელმწიფო შესყიდვების უმეტესობა ხელს უწყობს ქვეყანაში პოლიფარმაციას და გაუმართლებლად ზრდის დაზღვევის ღირებულებას
ქართული პრესის მიმოხილვა 06.10.2022
შეზღუდული პერიოდით “სკიო გუდაური” ბინებს არასეზონურ ფასად გაყიდის
საქართველოს ბიზნეს ასოციაციის წევრი კომპანიების წარმომადგენლები საქართველოს პრემიერ-მინისტრს შეხვდნენ
„საქართველოს ბანკის“ მხარდაჭერით, თბილისში ახალი მრავალფუნქციური სივრცე „კომბინატი - Combinaty“ იხსნება
ტერაბანკისა და სააგენტოს „აწარმოე საქართველოში“ მხარდაჭერით, „ავეჯის აკადემიის“ საამქრო ახალი დანადგარებით აღიჭურვა
თბილისში „ელიტ ელექტრონიქსის“ ახალი კონცეფციის მაღაზია გაიხსნა
თბილისში „სმარტის“ 32-ე სუპერმარკეტი გაიხსნა
ბაზისბანკმა, შეღავათიანი აგრო კრედიტის ფარგლებში, ხილის გადამამუშავებელი ქარხანა დააფინანსა
ევექსი კლინიკებმა კამპანია - „გეკუთვნის“ დაიწყო