იგორ დოლგოვი - საქართველო არის უკრაინის სტრატეგიული პარტნიორი, ძალიან აღელვებულები ვართ, რომ ვხედავთ თქვენს მხარდაჭერას

საქართველო არის ჩვენი სტრატეგიული პარტნიორი. ჩვენ ძალიან აღელვებულები ვართ, რომ ვხედავთ თქვენს მხარდაჭერას არა მხოლოდ ოფიციალურ დონეზე, - ამის შესახებ საქართველოში უკრაინის ელჩმა იგორ დოლგოვმა საელჩოში გამართულ პრესკონფერენციაზე განაცხადა.

როგორც დოლგოვმა აღნიშნა, ის დღეს საქართველოს საგარეო საქმეთა მინისტრს, დავით ზალკალიანს შეხვდება.

„საქართველო არის ჩვენი სტრატეგიული პარტნიორი. მე დილიდან მქონდა კონტაქტები საქართველოს საგარეო საქმეთა სამინისტროსთან, პრეზიდენტის ადმინისტრაციასთან, პრეზიდენტთან; ასევე გავმართე შეხვედრა პარლამენტის სპიკერთან. თქვენთან შეხვედრის შემდეგ გავემგზავრები საგარეო საქმეთა სამინისტროში, რომ გავმართო შეხვედრა საქართველოს საგარეო საქმეთა მინისტრთან, დავით ზალკალიანთან. ჩვენ ძალიან აღელვებულები ვართ, რომ ვხედავთ თქვენს მხარდაჭერას არა მხოლოდ ოფიციალურ დონეზე. დღეს დილიდან საელჩოსთან ვხედავთ საქართველოს ძალიან ბევრ მოქალაქეს, უკრაინის მოქალაქეებს, სხვა ქვეყნების მოქალაქეებს, რათა მხარდაჭერა გამოხატონ უკრაინის მიმართ. მე და ჩემი მეგობრები მთელი დღის განმავლობაში ვიღებთ ძალიან ბევრ ზარს საქართველოს მოქალაქეებისგან, არასამთავრობო ორგანიზაციებიდან, საქმიანი წრეებიდან, რომლებიც გვეკითხებიან - გვითხარით, რა გჭირდებათ! რა თქმა უნდა, დახმარება არის საჭირო, ვინაიდან, შეიარაღებული აგრესიის გამო უკრაინამ დაკეტა თავისი საჰაერო სივრცე. ავიამიმოსვლა თბილისს და კიევს შორის, ასევე უკრაინის სხვა ქალაქებს შორის შეჩერებულია. ეს ნიშნავს იმას, რომ უკრაინელებს, რომლებიც საქართველოში არიან, ასევე ქართველებს, რომლებიც უკრაინაში იმყოფებიან, არ აქვთ შესაძლებლობა საკუთარ სამშობლოში, ნათესავებთან და მეგობრებთან ჩამოვიდნენ. ისინი ასევე მოითხოვენ დახმარებას მორალური მხარდაჭერის თვალსაზრისით და კეთილი, ადამიანური სიტყვით“, - განაცხადა დოლგოვმა.

გაამართლა თუ არა მართვის მოწმობის ასაღები გამოცდის რეალურ მოძრაობაში გადატანამ და როგორია ჩაბარება-ჩაჭრის მაჩვენებელი? - ინტერვიუ შსს-ს მომსახურების სააგენტოს დირექტორის მოადგილესთან
კორნელი კაკაჩია - ამერიკელი ანალიტიკოსების აზრით, „საქართველო არის ქვეყანა, რომელმაც დაკარგა სტრატეგიული კომპასი“ და „ახლა ძრავაგაჩერებულ მანქანას ჰგავს, რომელიც ინერციით მოძრაობს“
ქართული პრესის მიმოხილვა 03.10.2022
ტერაბანკისა და სააგენტოს „აწარმოე საქართველოში“ მხარდაჭერით, „ავეჯის აკადემიის“ საამქრო ახალი დანადგარებით აღიჭურვა
თბილისში „ელიტ ელექტრონიქსის“ ახალი კონცეფციის მაღაზია გაიხსნა
თბილისში „სმარტის“ 32-ე სუპერმარკეტი გაიხსნა
ბაზისბანკმა, შეღავათიანი აგრო კრედიტის ფარგლებში, ხილის გადამამუშავებელი ქარხანა დააფინანსა
ევექსი კლინიკებმა კამპანია - „გეკუთვნის“ დაიწყო
კახა ოქრიაშვილი - ჩვენი ეკონომიკა მინუსშია! დაბეჭდავენ ფულს, როგორც აქამდე და დაარიგებენ, ოღონდ ამ ფულით უფრო ნაკლებს ვიყიდით, ვიდრე დღეს ვყიდულობთ
წარმატება, რომელსაც BTU-მ 6 წლის განმავლობაში მიაღწია
ქართული ხალხური სიმღერის გამორჩეულ ოსტატსა და ლოტბარს, ტრისტან სიხარულიძეს სპეციალური ჯილდო - „მადლიერების ჩიტი“ გადაეცა