რუსეთის ხელისუფლებამ საკუთარ მოქალაქეებს მოუწოდა, არ მიიღონ მონაწილეობა ომის საწინააღმდეგო საპროტესტო აქციებში, - ამის შესახებ განცხადებას რუსეთის საგამოძიებო კომიტეტი ავრცელებს.

მათივე ინფორმაციით, კომიტეტი აფრთხილებს მოქალაქეებს, რომ აღნიშნულ მოწოდებებსა და აქციებში მონაწილეობას უარყოფითი სამართლებრივი შედეგები ექნება.

„დაძაბული საგარეო პოლიტიკურ ვითარებასთან დაკავშირებით, არეულობებსა და აქციებში მონაწილეობას, ექნება უარყოფითი სამართლებრივი შედეგები, რაც მოიცავს სისხლის სამართლებრივ პასუხისმგებლობას. უნდა გვახსოვდეს, რომ ნასამართლეობა უარყოფით შედეგებს იწვევს და კვალს ტოვებს ადამიანის მომავალზე", - ნათქვამია განცხადებაში.