თენგიზ ცერცვაძე - პრემიერმა მოახდინა იმის კონსტატაცია, რაც არის: 2-ჯერ ვარ აცრილი, ახლახან გადავიტანე კოვიდი და „ბუსტერი“ არ მჭირდებაო, სადღაც მართალია - ნუ გავიგებთ ისე, რომ მოუწოდებს  მოსახლეობას, „ბუსტერი“ არ გაიკეთონ

მოსახლეობის გარკვეულ და განსაკუთრებით, პოლიტიკურად ანგაჟირებულ ნაწილს სხვადასხვა ინსინუაციების საშუალება მისცა,- ასე შეაფასა ინფექციური საავადმყოფოს გენერალურმა დირექტორმა, თენგიზ ცერცვაძემ „ბუსტერ“ დოზასთან დაკავშირებით პრემიერ-მინისტრ, ირაკლი ღარიბაშვილის გუშინდელი განცხადება.

როგორც მან ჟურნალისტებს განუცხადა, პრემიერ-მინისტრმა ფაქტების კონსტატაცია მოახდინა, რადგან აცრა არა კოვიდისგან, არამედ მდგომარეობის დამძიმებისგან და სიკვდილიანობისგან გვიცავს.

„მე ვერ ვიტყვი, რომ ამ განცხადების პათოსს მთლიანად ვეთანხმები, მაგრამ ვფიქრობ, ის არასწორად იყო გაგებული. ის, რომ მინისტრს 4 აცრის შემდეგ მაინც დაემართა კოვიდი, ეს არის ფაქტის კონსტატაცია და ყველამ ვიცით, რომ ასეა. რათ გვინდა მინისტრი, ჩემს სამსახურშიც დაემართათ 3 და 4 აცრის მერე. თუნდაც მესამე და მეოთხე აცრა, 100%-ით არ იცავს ინფიცირებისგან, ეს ყველამ ვიცით და პრემიერ-მინისტრმა უბრალოდ ეს დააფიქსირა, მეტი არაფერი. სხვა საქმეა, რომ ის სიკვდილისგან, დამძიმებისგან იცავს და ეს ბევრად უფრო მნიშვნელოვანია. 3 და 4 აცრის შემდეგ ჩემს უამრავ ნაცნობს დაემართა კოვიდი, მაგრამ ყველა მათგანმა მსუბუქად გადაიტანა. ასე რომ, პრემიერის ნათქვამი ასე უნდა გავიგოთ.

რაც შეეხება იმას, რომ მას „ბუსტერ“ დოზა არ აქვს გაკეთებული, აქაც მან თავისი კონრეტული მაგალითი მოიყვანა. ის ორჯერ არის ვაქცინირებული პირადად ჩვენს ვაქცინაციის ცენტრში. უბრალოდ, მან ჩათვალა, რომ ამ ეტაპზე მისთვის ორჯერ ვაქცინაცია არასაკმარისია იმიტომ, რომ მას ცოტა ხნის წინ დაემართა კოვიდი. ალბათ, სწორიც არის, რადგან ორჯერ ვაქცინირებულს და 2 კვირის წინ კოვიდგადატანილს არანაკლები იმუნიტეტი აქვს, ვიდრე „ბუსტერ“ დოზის გაკეთებულს. პრემიერ-მინისტრმა მოახდინა იმის კონსტატაცია, რაც არის - 2-ჯერ ვარ აცრილი, ახლახან გადავიტანე კოვიდი და „ბუსტერი“ არ მჭირდებაო, სადღაც მართალია. ნუ გავიგებთ ისე, რომ ის მოუწოდებს მოსახლეობას, „ბუსტერი“ არ გაიკეთონ“,- განაცხადა ცერცვაძემ.

ცნობისთვის, პრემიერმა განაცხადა, რომ „ბუსტერს" აზრი არ აქვს.

მისი თქმით, ერთ-ერთი მინისტრი, რომლის ვინაობაც არ დაასახელა, 4-ჯერ იყო აცრილი, მაგრამ მაინც დაემართა „ომიკრონი“.

გაამართლა თუ არა მართვის მოწმობის ასაღები გამოცდის რეალურ მოძრაობაში გადატანამ და როგორია ჩაბარება-ჩაჭრის მაჩვენებელი? - ინტერვიუ შსს-ს მომსახურების სააგენტოს დირექტორის მოადგილესთან
კორნელი კაკაჩია - ამერიკელი ანალიტიკოსების აზრით, „საქართველო არის ქვეყანა, რომელმაც დაკარგა სტრატეგიული კომპასი“ და „ახლა ძრავაგაჩერებულ მანქანას ჰგავს, რომელიც ინერციით მოძრაობს“
ქართული პრესის მიმოხილვა 03.10.2022
ტერაბანკისა და სააგენტოს „აწარმოე საქართველოში“ მხარდაჭერით, „ავეჯის აკადემიის“ საამქრო ახალი დანადგარებით აღიჭურვა
თბილისში „ელიტ ელექტრონიქსის“ ახალი კონცეფციის მაღაზია გაიხსნა
თბილისში „სმარტის“ 32-ე სუპერმარკეტი გაიხსნა
ბაზისბანკმა, შეღავათიანი აგრო კრედიტის ფარგლებში, ხილის გადამამუშავებელი ქარხანა დააფინანსა
ევექსი კლინიკებმა კამპანია - „გეკუთვნის“ დაიწყო
კახა ოქრიაშვილი - ჩვენი ეკონომიკა მინუსშია! დაბეჭდავენ ფულს, როგორც აქამდე და დაარიგებენ, ოღონდ ამ ფულით უფრო ნაკლებს ვიყიდით, ვიდრე დღეს ვყიდულობთ
წარმატება, რომელსაც BTU-მ 6 წლის განმავლობაში მიაღწია
ქართული ხალხური სიმღერის გამორჩეულ ოსტატსა და ლოტბარს, ტრისტან სიხარულიძეს სპეციალური ჯილდო - „მადლიერების ჩიტი“ გადაეცა