უკრაინის საელჩოსთან მიმდინარე აქციაზე მოქალაქემ პროტესტის ნიშნად რუსეთის პასპორტი დაწვა. მან ამ ქმედებით, რუსეთის მიერ უკრაინაში შეჭრა გააპროტესტა.
უკრაინის საელჩოსთან მიმდინარე აქციაზე ამ წუთებში საქართველოს, უკრაინის, რუსეთის, ბელარუსის მოქალაქეები არიან შეკრებილები.
აქციის მონაწილეების თქმით, რუსეთის მიერ უკრაინაში დაწყებული ომი უნდა შეჩერდეს. მათ მოტანილი აქვთ ბანერები წარწერით: "არა ომს"; "შეჩერდეს პუტინის ომი"; "დიდება უკრაინას".
ამასთან, აქციის მონაწილეებმა საელჩოს შენობის წინ უკრაინის დროშა გაშალეს. ისმის უკრაინის მხარდამჭერი შეძახილები.